自己好耐冇整過曲奇餅, 而且希望參考不同的食譜, 再實際練習一下, 成功機會大啲, 於是報了工聯會學整曲奇餅~ 包括杏仁曲奇、朱古力合桃曲奇、還有唧花曲奇~~
未去學之前就食個午餐 (因為是下午堂)~ 今次老公都有興趣一齊學, 當然開心啦~~
去了Food court吃飯~ 好多大陸遊客, 幸好已過了最繁忙的午餐時間, 都找到位坐~~ 自己好耐冇食過Pepper Lunch, 於是叫了一份漢堡扒拼雞扒~ 味道都可以, 不過都係覺得黑椒牛肉好食啲~~
老公就想食麵, 又好耐冇食過味千拉麵, 於是叫了一碗~ 看來比我那個好食多了, 總之都係食拉麵~ 不過就要等10分鐘先有得攞餐~
食飽飽就去上堂~~ 阿sir同助手很快就幫我們量好哂材料, 放哂在大碗內~ 先整朱古力合桃曲奇, 牛油、麵粉、黃糖、合桃碎、仲有朱古力粉, 全部喺哂碗內, 我們將它們撈埋一齊, 搓成麵團之後, 將它們分成一個個小圓形, 放在焗盤上, 鍾意的再加入爐朱古力粒喺上面做裝飾, 就可以拎去焗~ 焗完18分鐘就有成品~ 好容易整~~
焗完出來很香呀, 而且味道不錯, 脆脆的~ 原來不加雞蛋, 就可以令曲奇餅脆一點, 唔學過唔知~~
之後就係整杏仁曲奇~ 又係將大碗入面的牛油、糖霜、半隻雞蛋、麵粉、杏仁及杏仁油撈埋搓成麵團, 不過今次就要放在保鮮紙上再搓成圓條或方條, 之後放入雪櫃雪30分鐘~
於是等緊呢個杏仁麵團的時候, 就整了唧花曲奇的麵團~ 先用打蛋器發起牛油及糖霜至發白, 之後加入半隻雞蛋再發至蛋液溶入, 之後加入麵粉, 用膠刮撈勻, 就可以分2次放入唧袋, 將粉漿唧成不同形狀, 然後拎去焗18分鐘, 又完成了~~
故意唧了很多怪樣的曲奇~~ 其實稍為有點心機, 就可以唧得好靚~~ 阿sir就唧得好靚啦~~ 這隻唧花曲奇牛油味好濃 (其實都係用anchor), 好食~~
整完唧花曲奇, 即刻拎番份杏仁麵團出嚟, 用刀切成一片片, 又可以拎去焗~~
可能阿sir將我們的盤放得太入, 或者焗耐咗, 有點焦, 不過味道都好, 有濃濃的杏仁香~~ 又係用普通、已烘焗的杏仁就已經ok~
結論就係曲奇餅真係易整過蛋糕好多, 依家學咗幾款, 得閒可以整俾自己食~~ 不過牛油同糖都好多, 每次唔好食太多~~
同老公一齊整咗好多, 除了自己食, 可以送啲俾親戚朋友~ 個個都滿載而歸~~ 而且2個人一齊去玩吓, 為生活添些情趣都好呀, 謝謝老公陪我呢~~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
