星期六跑了去潛水, 一日玩齊了日潛及夜潛 !
一早開車入黃石碼頭, 天氣非常的好, 日光強烈, 是日仲唔晒燶的好日子 ?!
碼頭上船直入海下灣 ~
一年一度, 又到了為 WWF 做 Reef Check 的日子 !
程序一如以往, 分好了組, 等隊友們下海 set 好了 100m 的 Transect, 我們便分批下海去 !
跟往年有點不一樣, 我們今回要用快艇進出, 咁反而仲方便, 唔洗一來一回 fin 咁遠添喎 ~
好, 快快跟隊長下海觀察珊瑚, 再做紀錄, 這 100m 的珊瑚觀察很快便完成了 !
這一潛最深不過 4 m, 前往不足 30 mins, 只用了 50 bar 氣, 仲剩大半支 ~
午飯後, 再埋個半支氣, 係海下潛埋佢 ~
踢餐死先去到岸邊, 點知 … …
成海都係呢種沙泥底, 偶爾找到了亮點拍, 點知個頭一抬時 … …
車 !! 水面黎的, 再望一望隔黎, 一對情侣正在輕裝浮潛水中.
而我地 ?! 成幾 10 kg 裝備係晒身度, 搞乜我地成班背住樽埋岸玩浮潛呀, 撞鬼 !!
有時候看一下大背殻中, 都可以找到意外驚喜的我 !
隨著越往船潛去, 水就越濁, 慢慢以為自己係度夜潛.
算了, 上水去吧 !!
回船, 是日的日潛完成 !
每年 Reef Check 後, 都得到一件 Reef Check Tee, 個人係好鍾意著呢件 Tee 的, 因為件衫的質地真係幾唔錯架 ~
今年額外仲多條毛巾仔添, 多謝 WWF !
回程時, 順道經一經 WWF 海下的 Centre, 我地梗要上一上去同熊貓來個自拍啦 !
剛回到黃石碼頭, 轉眼我們便已跳上快艇, 向魚排進發 ~
我還是第一次白天到魚排哦 !
一年没見, 貓貓長大了很多, 卻也淡定了很多, 没有像以前般跳紮紮跟狗狗在打架.
佢呀, 佢呀 , 超嘆呀 !
搞掂 set 好架生, 我們又再次出動, 今回坐快艇玩黃昏潛 !
第一回去沉船, 原來不少一艘, 而是指一連三艘.
不過這裡的能見度還真麻麻, 下潛時要一路沿著纜繩而去, 直到到達沉船 ~
HK 真係未潛過沉船, 都幾特別喎 !
玩過架, 再去第二架 !
這裡出名拍海兔的, 可惜今回我們的運氣不怎麼樣, 結果只找到一隻小小的 (大約手指尾指甲那麼大吧),
不打緊, 反而這回的潛水 Feel 很好, 下回要再去找過 ~
上水, 剛好是 Magic hour 之時.
Buddies 梗係頭先影唔夠, 上水仲要狂影, 呵呵 ~
回一回魚排換樽, 準備夜潛, 我們有耶蘇光作背景, 又有貓貓作監督, !
原來夜潛先係是日主菜 !
這個夜潛, 我們足足玩了個多小時, 我們下得不算深, 慢慢玩慢慢影, 都真係影左唔少野 !
不過呢部細機的快門真係慢左點, 而且有時 focus 都係唔中, 有時都係要用番部 G15 好點 ~
你睇唔睇得出佢係乜 ?! 陣間開估 ~
佢的保護色非常厲害吧 ?!
呢隻係墨魚黎呀 !
我真係好鬼怕佢地, 搞乜成條游左出黎架 !!!!!!!!
好恐怖呀 ~~~
開估了 ! 咪就係八爪魚黎囉 !
呢條名為 “東方豹魴” 的魚, HK 又叫佢做軍帽魚. 佢咁定係度都幾有型架 ~
很古怪, 這個地方特別的污濁, 卻又成地小沙鯭, 真係有過百條架 !
考眼力的一群海中生物 !!
嘩 ! 佢同我之前見到的 Stargazer 有幾分相似哦 !
呵呵, 佢好鬼得意架 !!
埋尾, 我們在拍 Xeno Crab 拍到不願上水 … …
估不到這裡的幾叢海葵中, 可以找到至少兩隻件頭十足的 Xeno Crab !
好 ! 是日四潛完成 !
我們終於可以吃晚餐了 – 這個熱辣辣的烏冬鍋 !!!
這晚的材料很豐富哦, 有丸, 有菜, 有牛脊 以及 海鮮 ~~
我們一邊在吃, 牠一我們之間等吃 !
死都要企係中間, 完全不肯離開半步 … … 好 ! 你羸 !
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
