話說對上一篇已是兩年前, 實情是越來越多餐廳選在佐敦開店, 而且大多是小店, 是我較喜歡幫襯的類型 !
今回又等我分享下, 過去年幾食左邊幾間先 !
言居酒屋, 是我們非常間唔中會去吃午飯的食店, 這裡的定食頗不錯, 由拉麵到烏冬以及魚生飯, 都可以吃得到 !
我其實幾鍾意食呢度的烏冬架 ~
言居酒屋 Openrice Review :
離言居酒屋不遠, 就是某藝員開的拉麵店 – 巨一麵堂, 我們也非常間中會到這裡開餐 ~
拉麵底還不錯, 就是湯底有點過咸, 吃過後會有口渴的感覺, 因此不宜常吃 !
反而呢度的小食 – 芝士餃子 – 不怎麼樣, 可以唔洗試了 ~
巨一麵堂 Openrice Review :
佐敦有一家四國日本料理, 我覺得出品相當不錯 !
我跟好友下班後到這裡飯聚, 吃了幾道菜都好滿意, 魚生新鮮, 炸物也不俗 … …
說著說著 … 我又想再去食添 ~
四國日本料理 Openrice Review :
我都幾鍾意呢間新式車仔麵店 – 麵麵店, 聞說是小儀有份投資的, 我之前都有帶外國朋友去呢度食 !
呢度店面很乾淨, 有別於傳統車仔麵店, 而且配料選擇真係幾豐富架 !
最好就是連生菜魚肉 及 碗仔翅都有售, 雖然味道不夠地道, 但還是可以的.
麵麵店 Openrice Review :
Seasons Restaurant & Bar - 這家店面平平無奇的餐廳, 其實充滿驚喜.
最初走入食店時, 還以為是印度咖喱店, 點知原來仲有印度式西餐賣架 !
我本身愛吃印度咖喱, 不過想試那意粉 跟 Pizza, 就只點了咖喱角, 結果 … … 還是印度菜較好吃 (西餐味道其實是可以的, 唔算特別出色咁囉) !
如果大家想試一下 “Fusion” 菜, 可以試下呢間 !
Seasons Restaurant & Bar Openrice Review :
呢間 R&B 嚴格來說, 應該算係尖沙咀區, 不過係佐敦地鐵站出山林道那邊, 應該近過係尖沙咀出囉 !
這家餐廳我想去試好耐, 結果同朋友約左幾次先食到, 這裡不設訂位, 入座後時間限制為 90 分鐘.
兩個人去, 點了一份 Burger 及 一份 Salad 分享, Salad 好味, Burger 有點平平無奇, 各而薯條夠香脆.
這餐廳份量還可以, 就是我們還吃得下那甜品, 倒也不錯 !
R&B Openrice Review :
好 ! 來到甜品篇 ~
松記就不用我去多介紹了吧 !?
反而佳佳甜品, 是我最常去幫襯的, 由佢係街檔食到佢搬番入舖, 還是喜歡那糖水的真材實料 !
佳佳甜品 Openrice Review :
宏 – 這店的綠茶食品頗為出名, 堂食要排隊, 外賣的抹茶蛋卷好賣到可以去 The One 開舖 !
我呢很怕排隊, 所以只買過外賣, 堂食的甜品還未有機會吃到 … …
確實這裡的抹茶蛋卷也不錯, 不過當吃過 City Super 茶之環的出品 以及東海堂那 UM1 濃厚‧宇治抹茶卷, 我又覺得不用特地去這裡買喎 !
我想, 要約朋友去試下佢的堂食了 ~
宏 Openrice Review :
真係直到最近, 我才去過渡船街那邊搵吃 !
這家有緣小敍一直想試, 結果今年去過, 仲一連去左兩回.
最愛還是那個乾身帶點辣的 “冰冰” 麵 !
有緣小敍 Openrice Review :
另一家店韓食店 – 星星Pho Cha, 就在有緣小敍旁 !
這裡的韓食普通, 食品比不上我們的韓食食堂 : 韓國館, 不過勝在有炸雞 (都幾好味) 及 價格相宜 !
去開渡船街而又想食韓食, 咁都可以一試的 ~
星星 Pho Cha Openrice Review :
呢杯夠騎呢 ! 有興趣自己去試啦 !
呢間 添記三文治 真係完全呃到人, 不過只要食過就絕對想再番去食 !
佢個越式法包真係超級美味, 而且即點即烤, 保證熱辣辣, 不過等候需時, one man band, 大家要有多點耐性哦.
我地仲點左青檸冰, 係即場榨青檸汁加冰咁整俾你, 好正.
呢間我強力推介呀 ~
添記三文治 Openrice Review :
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
