有時候餓起水黎, 真係好鬼爛潛 ~
話說上星期病左, weekend 都冇得落水, 結果閒日都唔放過 !
是日水溫唔錯, 隻錶話有 29 度喎, 總之我好耐未試過落左水唔覺凍啦.
一潛就潛左 1 個鐘, 最深去到 14.5 m 左右, 水質普通, 剛下水有點混濁, 到水底則還可以 … …
夜潛有時候頗有趣, 比白天安靜, 也比白天刺激, 因為只有一邊用電筒查探, 才可以看得清前路.
其實, 夜潛會比白天 / 外潛專心, 但也很享受.
今回見到的不算多, 沙鯭卻又見到好幾條 !
又係佢, 細看其實佢的鱗片幾靚架 ~
搵到其卵卻不見其真身 !!
兔兔呀 , 你去左邊呀 ?!
佢呀 , 好可愛呀, 眼大大, 成條龍仔咁的樣 ! 有點點萌 !
你地見唔見到佢呀 ?!
上水之前, 見到呢隻係度食緊大餐的紅蟹 !
佢手上得番個魚頭, 咪係我影左好幾張相的沙鯭囉 !
好 ! 一潛完成, 我們回程了 !
偶爾咁悠閒地夜潛一下, 都幾好丫 ~~
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
