每逢 Weekend 才下雨, 是我最近常掛在口邊的感嘆; 總是潛水便遇著壞天氣, 卻是這兩星期之寫照 !
早上出門之時還只是天陰而已, 吃早餐時卻已是黃雨, 大雨到咁點搞呀 !?
邊有人會邊要拖住袋潛水野, 卻邊要舉著雨傘架 ?! 早知著住 wetsuit 出門好了, 唔洗煩 !
本來潛水船先去果洲的, 視察結果是能出度很差, 因此我們改道尖洲 !
哈哈 ~ 有見是日天氣奇差, 還以為要上水下水都會濕淋淋, 點知出到海天氣倒唔錯, 而且下水之後還有意外驚喜 ~
這天我們所經過之水域, 全都浮游著一個又一個籃球咁大個的水母, 真係總有一個係左緊呀 !
好在水質真係幾清, 水面可以望見水底, ~ 8 – 10 m 能見到, 以HK 水來說是很不錯的.
如果唔係水清, 水中咁多水母, 都幾容易中招架 (我間中都見到那些甩掉的水母觸鬚).
這天天氣有點悶熱, 可能還要再下雨, 水溫 26 度剛剛好 !
除了水母多, 小魚群也是很多, 看看相中那大群小魚, 再加那片藍, 真的以為自己在外潛 !!
第一潛, 先來小蝦小蟹熱熱身 …
尖洲出名有小丑林, 真係有一群小丑魚, 仲出名惡添 ~
水母在舞動, 小魚群在伴舞 ~~
小魚群中, 找到了小斑們 !
不知是否因為有了休魚期, 海中似乎多了很多小魚們, 很熱鬧呢 !
除了魚, 還有鰻 !
是日有幸遇到小小的黑色橙邊兔兔 !
吃過令人不停口的燒雞翼, 小休一會, 就快手下水作第二潛了.
哈哈, 第二潛見到很多生物呀, 真係多野睇, 多野影 !
大家睇唔睇得出, 相二 & 三都係蟹黎架 ?!
偽裝蟹 !
仲有呢一對, 係呀, 一大一小的一對呀 !
都係蟹黎架 ~
請問, 這是乜東東 ?! 指左叫我影埋, 都唔知佢係乜喎 !
兩種都係海膽 ~
哈哈, 下水見到兔兔蛋, 没想到真係可以見到兔兔架, 仲要咁鬼大隻添 !!
佢完全融入左係個海床度 ~
這 … … 請問是一條甘筍嗎 !?
其實佢係橙色兔兔, 佢係咪好靚呀 !?
還有時間, 那拍多兩張水母照片 ~
HK 水可以有這麼好的質素, 難得 卻也 精彩 !
是日順利完成, 潛後還有糖水食, 海天的膳食一向都很好的 ~~
回程 !
這天行程本來很順利 及 完滿的, 卻被不守規則, 而且不禮貌的人破壞了 !!
回到白沙灣碼頭, 我們的潛水船正在排隊埋岸, 怎料這一等足足等了 半小時有多.
就是相中這條船上 (船A) 的外國人, 停在那邊佔用碼頭長達 30 分鐘, 久久不肯駛離.
結果排在我們之前的另一條船 (船B) 要先停在船 A 旁邊, 乘客們先要攀過欄桿上船A, 才可以上岸.
我們再三催促之下, 船 A 仍然不肯駛離, 卻有兩個外國人無故爬上我們的船 (坐著船 B 而來的), 並以理所當然的態度, 出言要求我們用同一方式上船, 因為他們是不會駛離的.
我們是潛水員, 人人都有一大袋裝備, 怎可能以這樣的方法搬運過去, 當然是拒絕了他們的要求, 並要求他們盡快讓出碼頭.
這兩個外國人態度也轉差, 非常不禮貎的不停以 F 字出言, 直到我們要求他們立即離船, 他們才不情願的爬回自己的船 ~
擾攘多時, 我們終於成功上岸, 這班外國人卻無視其貨物阻塞了通道, 我們勉強拉著行李通過, 不過碼頭的混亂及污糟就正如相中, 而以他們的行為, 我相信佢地亦不打算去清理的了.
衰人真係各國也有, 外國人也有害群之馬, 我有晒相片作證, 投訴信也由朋友 draft 好了, 倒想知這區的區議員係咪真係做到野啦 ~
倒知想, 還有什麼部門是可以去投訴的呢 ?!
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
