白汁青口海鮮通粉

兩口子的下午茶餐

焗得未夠金黃, 但個肚饑餓得打鼓...都好味喎!

皆因 白汁 夠多夠滑.

呢隻係土耳其 的煙斗形通粉 (影得唔清楚tim)

上星期入元朗 買的 ,除了買1個老婆餅之外.

另外仲買鵝, 兩包粉,一包係長通粉,另一包係成隻煙斗形,

460g 1包 ,每包8元咋!

1. 滾水煮150g (煙斗粉)7分鐘,焗5分鐘.

(我愛在水中加少少鹽) 瀝乾水,備用.

2. 慢火煮溶40g 牛油, 加入60g低筋粉 ,不停攪拌,

煮成糊狀. (加粉後炒幾吓,可離火拌勻,再回爐火加熱)

3.分次加入350g 雞湯, 每次都要拌勻.最後,慢火煮滾起.

4.加4 湯匙花奶. 拌勻. ( 試味)熄火.

5.煙斗粉 放入玻璃烤盤中, 放上已經飛水的青口,蝦仁.

淋上 白汁 ,灑上芝士**(Mozzarella) 焗完會起絲.**

放入焗爐中層焗10分鐘. 用220度焗 至表面金黃.

 

可按個人喜好加入胡椒粉,些少糖,香草 提升味道!