小齊呢個星期請左兩日病假,
今日先正式返學, wow ~ K3 大姐姐啦 ~ ~
我早兩日搵返佢舊年對返學鞋出o黎
居然已經唔啱著, 佢勁話好迫!!
好彩媽媽早有準備 ~
媽媽一早 (好似成年前) 已經買定返學鞋比小齊
我覺得返學鞋不妨睇啱就買, 反正有排著...
小學中學...都要著咖啦, 不妨買定大一兩碼備用
今年唔啱咪下年, 買定一對冇蝕底,
反正返學鞋冇 "新款" 可言
8, 9 月呢d 開學季節驚斷碼, 唔係想買就買到啱款啱價錢...
真係一年一對
無他o既, 價錢合理, MADE IN SPAIN,
真皮唔刮腳, 款式又OK
第三對同第一對o既款係一樣o添...haha
(見兩年前o既blogpost)
今日就著左新皮鞋返學啦~
K2 果對同 K1, K3 呢對有DD 分別
K2 呢對係漆皮咁
靚就靚但難 D KEEP新淨
而且鞋底都有D唔同, K3 呢對膠底有紋好似比較安全
買定呢對係29碼 (本身小齊著緊28碼) 小齊話鬆少少但都 ok
其實我都仲有對 GEOX 28 碼可供選擇, 講起呢對真係抵到笑,
減價左只係 $120 蚊港紙左右, 賤物鬥窮人呀, 買果時諗住返學著又好, 面試著都好啦~
不過小齊話著 ANDANINES 果對都 OK,
咁 GEOX 呢對就留返面試著啦~
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================