17-1-2015：懷孕扎記26w0d．中等身材的BB呱

又到咗定期檢查嘅日子﹗今次除咗睇睇BB呱嘅成長之外，仲有一件大事，大家都好關注嘅飲糖水測試(我都估唔到係FB大家會有咁熱烈嘅反應，可能引起媽媽們嘅共鳴吧？)，今日有得睇報告了～4.3/7.5/5.5－－正常丫﹗﹗雖然正常，當然都唔可以大吃大喝啦，冇咗妊娠糖尿嘅憂慮，但都唔可以俾自己過量增磅，身邊嘅大家都幫手提醒我唔好食咁多冇益嘅肥嘢丫﹗血壓、小便正常，另一樣關注嘅就係體重了，經過上次驚嚇嘅67kg之後，我呢幾個星期都算收籨咗好多，唔好食咁多「佬飯」，亦因為怕胃酸倒流啦，都唔敢食太飽或油膩嘅東東，今次weight gain放緩了，非常好嘅67.5kg only，我冇出貓㗎，今次磅重都著咗牛仔褲㗎～

我哋睇下BB呱啦～

例行必做嘅當然係各樣measurement睇下生長得好唔好啦～頭仔﹗

肚仔﹗

大脾骨長～

如果大家有仔細睇超聲波相上面嘅small prints就會見到correlated嘅週數，當然呢個reference係外國B啦，但都同我哋亞洲B唔會差得太遠，三樣measurement都係正負一週之內，非常好，BB呱叻叻﹗﹗

S醫生問我點解每次同我講解得咁詳盡結果出嚟個blog都係得番咁「簡單」，heehee，咁都要顧及blog嘅趣味性同故事性嘛，雖然我作為媽媽、day作為爸爸見到BB呱嘅每一part都好興奮同笑咪咪，但讀者嘅各位見到個膀胱or臍帶or胎盤只能夠「哦⋯」，我都唔知點打啲旁述好⋯:p我有好好珍藏啦～:D

淨係睇週數可能唔係好具體，plot埋graph就一清二楚啦：

BPD＝頭仔直徑；AC＝肚圍；FL＝大脾骨長～原來近三次條線都好接近並沿著中間嘅50 percentile線呢，非常好～希望之後嘅14個星期都順順利利啦﹗﹗BB呱乖乖，媽咪錫錫～

前往其他懷孕扎記blog

分享此文：

• Twitter
• Facebook

請按讚：

Comments

comments

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================