今次已經唔係我哋第一次睇Jayesslee演唱會了，day作為佢哋youtube嘅subscriber，定時留意住最新消息，當然好知聲咁知道幾時開始賣飛啦，成功﹗期待1月18日嘅演唱會～
俾少少唔認識Jayesslee嘅朋友一啲背景資料，佢哋係一對住係澳洲嘅韓裔孖女，由2008年開始自己拍片upload上youtube，係呢幾年間全球subscriber已經上升到超過100萬人﹗因為youtube無國界，所以佢哋嘅fans亦來自全球唔同地方，佢哋係過去呢幾年都開過唔少巡迴演唱會啦，2013年都有嚟過香港同埋亞洲其他地區～Jayesslee個名字取自佢哋嘅名字Janice個「J」、Sonia個「S」同埋佢哋嘅姓氏Lee，讀起上嚟就係Jayesslee了﹗佢哋唱嘅歌大多數係歐美流行曲嘅翻唱version，少數K-pop，亦有唱聖詩，大家有興趣可以去youtube search Jayesslee聽下～可能下次再嚟香港開演唱會你地都同我哋爭門票了﹗
舊年嘅演唱會係浸大大學會堂舉行，細細場地開咗連續三晚，今年就去到機場亞洲博覽館，觀眾人數倍增丫﹗好似今晚有4000觀眾丫～因為我旁邊有個fans，所以可以坐貴位好近睇～yeah～
最近呢年幾因為兩位美女都相繼生baby，所以佢哋有好長時間冇出新video，今個show佢哋應承大家唱全新歌list，期唔期待？除咗新歌之外，仲有一大賣點﹗﹗
就係全家總動員﹗﹗佢哋唔係stars，亦對自己私生活冇咩秘密，甚至Sonia同佢老公Andy有另外一個youtube channel係專門講佢哋嘅love story、日常生活等等嘅東東～今次老公們同小朋友們跟埋一齊嚟香港之餘，仲一齊上埋台添～
佢地兩個babies係台上唱咗兩首歌，一首係非常sweet嘅媽媽歌，係JJ Heller嘅「I get to be the one」，佢哋係Sonia個baby Jordan一歲時post嘅video用過嚟做background music，非常正：
另一首係remix版兒歌，揉合咗ABC同埋Twinkle twinkle little star﹗哈哈，佢哋話啲小朋友會get confused，好搞笑，但係勁好聽～:D
今次因為有好多歌都係新嘅歐美流行曲，唔係我哋係佢哋channel聽慣嘅「金曲」，所以好多都唔識，冇得好似後面嗰排嘅「香港鬼仔鬼妹」咁投入～不過對我嚟講最最最好聽到起雞皮嘅係佢哋啱啱呢年有post過video係channel嘅Taeyang嘅「Eyes, nose, lips(눈,코,입)」，live比起video入面更好聽﹗﹗
concert另一亮點，佢哋話想帶啲澳洲手信俾香港fans，大家係度大叫kangaroos時，原來佢哋帶咗兩排澳洲出產嘅朱古力～睇下有邊位觀眾夠誠意就可以得到，先有兩個妹，佢哋用大卡紙寫咗封信俾兩位美女，美女就邀請佢哋兩個上台，成功得到朱古力+擁抱﹗﹗但第二排朱古力大家都睇得唔順眼，因為有個厚面皮男舉手，話有朱古力送俾佢哋，哼，其實只係佢自己食緊嘅零食﹗﹗因為已經開咗包裝食咗一半，真係咁都好意思搏上台，不過美女都好有風度，唔會好知我哋咁鬧爆﹗﹗
Jayesslee係基督徒fans都知，而佢哋都會去佈道會證道，自己concert唔會hard sell，但都會想帶啲message俾大家，2013年嘅concert佢哋講番媽媽患癌離留時嘅經歷，呢一段見證其實我哋之前係youtube都有睇過，媽媽臨終時仲唱咗一首詩歌，唔識韓文嘅day仲專登聽咗10萬次學識咗唱﹗﹗
以上係City Harvest Church見證嘅舊片段～
今年佢哋講咗一段近期啲嘅見證，係關於佢哋對一個街頭妓女嘅關心，最後個女孩子返咗去佢哋教會嘅經歷﹗﹗再唱咗一兩首詩歌之後，Sonia主動為現場嘅觀眾祈禱，大家都俾掌聲報以回應呢～
差唔多完場時姊妹花要求大家好似其他歌手演唱會時咁開著手提電話個電筒，營造一閃一閃小星星嘅效果，靚靚呀～
全個演唱會大致上都好開心同好精彩，但有兩樣嘢我覺得爭少少嘅，一樣係因為Jayesslee向來嘅音樂都好寧靜舒暢，只同木結他伴奏+兩人嘅二重唱，但今次一頭一尾有幾首歌夾埋full band，有啲嘈嘈地，我就冇所謂，但之前睇啲資料講過，聽rock concert對肚裡嘅BB唔好，因為胎水會amplify低音部分，potentially對BB耳仔發育有影響，咁我理性上知道聽一次半次唔會對BB有太大影響，但都有少少不安，所以嘈嘅時候用外套+day件外套厚厚咁掩住個肚子，因為唔安落，所以都唔專心欣賞囉(係咪好蠢？﹗)～另一件事我就真係嬲了，因為有二次encore，大家最尾時唔知係咪high得滯，啲觀眾企晒係椅子上面，我要爆炸了，大肚婆點企上張椅度睇呀？﹗我即是乜都睇唔到丫﹗﹗好可惡～其實大家都企係地上面又點會睇唔到呢？﹗
後尾有老公好好呵番，慢慢心情先返來⋯:p
我哋搭咗機鐵一個站去機場再轉巴士返屋企，除咗係機場食少少嘢之外，仲發現我近排最愛噃：
哇，有Candy Crush嘅公仔﹗﹗
影下先～
演唱會期間姊妹花話要同大家合照一張selfie，所以第二日就見到佢哋post咗係Instagram了﹗大家搵唔搵到我哋？﹗
============================================
感謝 Rita 提供以上資料
Rita的網誌: http://www.wufamilyblog.com/~rita/
============================================
累積瀏覽 245684
全部攻略 705
全部回應 10
