話說有睇開blog記性又不錯的讀者應該知道我們現住大埔，跟娘家住在樓上樓下，超方便der！除了一直以來晚餐都上去痴餐之外，坐月及現在湊B都幫了我們很多很多很多很多很多很多，多到連我們兩年前買了青衣，都有點不想搬走…..女嫁左出去，始終都要走。
搬到青衣後，要靠自己喇！因為我在家工作及要自己照顧BB的關係，思前想後都是要請個工人姐姐幫手，至少我要有個人幫我落街買餸，幫手做下家務……我總不能天天抱著BB上上落落買餸煮飯，煮自己同老公三餐之餘仲要到時BB都六個月開始食固體要另外煮粥仔，做埋家務兼且仲要工作@______@ 唔敢話完全impossible，但我既然選擇左home office而不是全職媽媽，就唔好勉強自己喇，畢竟鐵人都要抖一抖…….不想做黃面鐵人咯，少了一份自由，但換來的時間可以照顧仔仔不是更好嗎？
要講外藉家傭一二事，相信一萬字都寫不完！因為有親戚做agency的關係所以一知道要請姐姐就找她幫忙啦，識人真係好D架！起碼人地有心幫你搵，我絕對明白最後工人好與壞同agency無關，完全看彩數！這點我好清楚，但起碼熟人的話會揀過度過嘛。最初是考慮菲傭，因我同理性的人心水想全英文（總好過印印天一半地一半的中文英文）反正離娘家很遠，工人同婆婆公公能否溝通沒怎關係，不過聽聞菲好多都不願意照顧newborn（雖然我自己湊，但有時姐姐都要陪下佢玩嘛？）所以又考慮返印傭，聞說比較單純不會攪攪震，而且比較有心機照顧newborn，其實….我覺得都是運氣。（即係，印同菲都考慮。）看了一推profile加大量已請姐姐的朋友意見後，都開始phone interview了(因為我們都oversea – 即未去過香港的較好)。
phone interview第一次： 菲。電話度已經講到明唔prefer 有newborn（唔駛佢湊都咁講？）主要都是做housework，話自己煮野食一般but willing to learn，亦話同時間都有人approach佢，如果最後無得揀都會考慮。（講到太勉強了，好似好為難咁）
phone interview第二次： 印。曾在香港做過,在傾電話時我話住青衣，佢已經即刻話青衣好遠，去銅鑼灣玩好遠要多些車費……（聽到呆左，是來香港已經plan左玩的嗎？而且未搬青衣前更加要住大埔(我在電話沒提)，大埔去銅鑼灣不就更遠嗎……）掛住玩，在電話中亦多次強調要有自己房…..除左個樣我覺得好順眼（甚至覺得幾靚）都不可取….
經過兩次interview，是不是命運不想安排我請工人呢，但計過度過都是要請個工人姐姐幫手比較好……..就在這樣時候，就收到有個朋友說她現在的工人姐姐的cousin想來香港做(海外菲)，睇相後出奇地我全家人都幾鍾意，於是安排phone interview，又好ok喎！英文好好好好好好過之前phone interview的菲好多，起碼我聽到…不用估估下！而且她說Very well at cooking（期待！）感覺有如一拍即合，於是當晚phone interview後我們已經決定請她來香港當我們的domestic helper。（我較concern的會否再生仔都是其中一個原因，她已育有四個子女，說不會再生了！）隨即好快安排埋中介人處理VISA事，說時快那時慢，事情就在兩三日內處理好，姐姐知道我們請她之後都好開心，說會promise do her best！工人姐姐即將於6星期內到達香港！
p.s.#有頭髮邊個想做癩痢?如果，命運能選擇….我相信無人會鍾意有個外人住自己屋企，一定會不習慣！（先唔講唔可以再著底衫褲通屋走啦….）但我會將心比己其實人地工人姐姐離開家鄉咁遠水路寄人籬下一樣思鄉，佢乖乖地做好本份，我一定唔會待薄工人姐姐。
我仲有好多好多問題要同大家分享／求解答（例如買餸煮飯錢，日常用品提供，洗衫分開洗定點之類的…..集合晒所有疑慮再寫！）待續。
1,594 total views, 4 views today
============================================
感謝 小知 提供以上資料
小知的網誌: http://siuchi.hk/
============================================
