早排大陸有套電視劇叫 <<虎媽貓爸>> :
"原本生活平靜快樂的畢勝男在女兒面臨升小學的問題時發現，
別人早已忙的團團轉，自己還懵然無知。個性要強的她辭職回家，打響教育戰爭。"
"虎"就係人都知咖喇, "貓"就係主張順其自然, hea 住去~
係人都知 hea 住過係舒服D, 但o係阿女身上(特別係教育方面) 有時係唔到你 hea~
雖然我覺得我骨子裡都係懶懶地...
有時都會諗我係"虎媽" 定係 "貓媽"??
「你的人生，我的戰爭」
如果你講辭職教女? 我有冇諗過呢?!
我唯一諗過辭職o既時間係啱啱放完產假果陣, 我覺得好唔捨得阿女...唔想返工想時時對住佢!
但佢大左開始返幼稚園之後我又冇再諗唔做o野湊佢啦~
我都鍾意自己有工作, (唔捨得唔搵錢), 有錢先可以買自己鍾意o既o野, 買衫比小齊, 去旅行, 比錢阿媽 ...
如果我唔做o野我覺得我會冇左好多自由... "行開下o既自由", "fing 錢o既自由", even 阿女o既教育自由都係, 我有工作就可以放心幫佢報私校, 報興趣班...
仲有我返工其實都係比緊自由阿女, 佢o係公公婆婆屋企多數都係 free time~
玩玩具, 睇電視, 食糖...所有佢本來要問下我o既o野突然都好似拎左 permanent permit 咁,
小齊應該都想我返工等佢可以 free 返下 ~
我放工之後見佢時間都係幾個鐘, 大家都會珍惜呢d quality time!
所以我返工其實係成就左我地兩方o既自由!!
至於好似趙薇咁搬屋去名校區 (香港都好多家長咁做!!)
我得承認我有諗過, 但冇實行... 原因一來懶, 二來唔捨得婆婆 (我同小齊都係), 三來亦係最重要o既原因係 ----- 搬左又唔一定抽到!!
有好多o野, 唔做個心囉囉攣, 做完又覺得無謂, 最慘係唔做又唔知係無謂
所以我都好體恤搬屋搏抽名校o既家長, 亦好同情搬左但又抽唔到名校o既家長
可憐天下父母心~
而家仲未知道小齊會讀邊間學校, 我諗我會等塵埃落定, 有冇校車先決定搬唔搬屋...
我自問我自己唔係虎媽咖, 不過我諗有人都會諗: "你幫佢安排咁多o野學仲唔係虎媽?"
係咩? 我係咩?!
雖然我安排比阿女學o既o野唔少, 但一定唔算多囉 (比起其他人o黎講)
而且我經常把關o既係 -- 只想報興趣班, 唔想報學術班...
暑假時我同佢報左個學術型o既溫習班都有d 掙扎,
但暑假上完之後我都冇再繼續報喇 ~
所以你問我現在佢有冇學中, 英, 數o既班? 冇喇~ 又留返比學校教啦~
現在佢學o既o野只有日文, 畫畫同劍擊...都係興趣班, 希望各方面平衡發展
你問我見到人地學中英數, enopx, kumox, eye levxx, monkey trxx, abx pathway... 超前晒學校程度我會唔會心癢?
見人地報面試班我會唔會想報埋一份??
點講呢? 我覺得人地都要花好多時間心機去學去上呢d班, 所以佢做得熟做得快係應該,
而且小朋友同家長都要好自律先可以 keep 到進度
至於面試班我真係 so far 睇唔到一個 absolute equation!
唔係只有上面試班o既人先得到好offer, 況且好多校長都話面試班流於公式化佢地唔喜歡...
(不過佢地部份其實都講過話唔考學術o野o既 ... 大家請自行解讀)
我冇幫小齊報過面試班, 首先我要比個"定力獎"我自己, 但小齊考o既學校都未出成績,
所以我都唔知我呢個決定係咪好傻好天真...
我自己就唔想o係呢個年紀花太多時間 drill 學術o野,
有時間咪教下, 冇時間就瞓下
習作, 補充我都會買o既, 不過唔多而且唔係成日做,
有時間小齊又好 mood 就會做下, 其餘時間我地多數聽下audio books,
傾下偈, 睇下 youtube... 小齊o係暑假期間睇晒 52集"我係小忌廉"同埋"魔神英雄傳"o係 youtube available o既集數!!
呢排又同我一齊睇 Impractical Jokers...笑死人~ ~
但話說回來, 為左小齊升小呢場仗我都有唔少付出,
買面試衫都一筆... hehe~
預備工作我都有做, 不過我o既程度可能同其他人比不值一曬...
暫時 keep these to myself... 我見好多blogger 都會開個 private blog 講小一o野, 我有冇需要呢??
再諗諗先 ~
是日靚衫: Sons + Daughters, Fendi Kids, Chloe, Miss Blumarine
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
