4月20日(星期日)~好耐無返娘家啦~旅行完返黎
通常我會先自我隔離一星期..之後先再返去
因為外遊唔知自己有無感染~雖然回港果刻無事
但每個人抵抗力唔同~安全起見..隔一星期先返娘家會好d
其實旅行有同佢地whatsapp~不過無正面回覆估到有d野
因為媽咪講過唔想我去緊旅行..知道有咩事玩得唔開心
所以落機即刻打比佢~聽到佢話病左已經勁擔心~早陣子
日日打去問住媽咪身體狀態~真係擔心死我又瞓唔著喎
成日叫佢要好好照顧自己身體~因為病一次..復原又要時間
同埋..身體會比上一次弱~又要再加長調理時間仲麻煩呢
唔講唔覺次次去完旅行佢都病..真係呢?! 話完佢一輪之後
媽咪賴返我..話我咁近距離同獅子玩~嚇到佢地幾晚瞓唔著
哎! 因為我出發前..只係話無食人族~無話會去玩獅子ma
所以要解釋一輪安全性質~唔係佢睇相咁危險(不過都係唔接受..哈)
~ ~ ~ ~ ~ ~ ~ ~ ~ ~
前一晚問定佢地有無節目~依日返去探佢地
見媽咪未好返..唔好出街食呢~話係屋企煲粥+炒麵
加上要佢地煮~我堅持要最簡單~唔想佢地太辛苦
是日晚餐.."豉油皇炒麵"
![]()
原本我話簡單食白粥已經ok~媽咪話唔好..煲魚粥有d味
![]()
加上屋企兩個大男人~唔食肉又話唔得架啦
![]()
例菜.."灼菜心苗"
![]()
"辣椒菜圃"係阿E整架~夠晒辣好惹味
![]()
"大頭菜粒"..爸媽都唔食~我問佢唔食又整
佢話老闆鐘意食~所以特登買黎整喎
![]()
食完飯無耐..妹妹出左黎玩~仲扮fd走黎撞我
依晚好攪笑..原來妹妹近排鐘意玩"抱抱"
爸爸將佢抱起..再衝天飛左右fing~勁開心!!
真係笑鬼屎我~下次有機會影段片比大家睇呢
依日見媽咪好返7788個心都定d~不過都哦佢囉
應該好似我咁~要好好照顧自己身體先係叻架ma
成日病..自己又辛苦又要花錢睇醫生有咩為呢
依晚傾下講下..坐到9點幾好攰就走lu
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
