8月5日(星期三)~早2日打比媽咪..講開d當歸飲晒
諗住依日同佢地飲茶..順便上貨~佢地梗係話好呢
依日轉場去"翠園"~食物普普通通~但坐得都幾舒服
![]()
飲完茶..返娘家坐~又送d植物去佢地屋企寄養
因為屋企種開既越生越多~已經分拆左11大/小盆
唔想佢地生長環境太迫+密集~加上娘家唔多植物ma
媽咪一見到就話好靚..好翠綠又多金黃斑紋
![]()
依盆係好早前比佢地寄養~色澤有d暗黃..好似唔夠營養
我話佢地要比心機照顧先得架ma~媽咪話係爸爸負責
問爸爸有無放肥~佢話有! 好間唔中~幾個月先放一次
我話一個月要沖一次涼+放肥~3-4日要添新水(唔得咁懶架)
![]()
之後同妹妹玩~細個唔喵人..依家話下佢就喵人駁咀(哈哈)
![]()
曬太陽..又摸下佢~舒服到尾fing fing
![]()
去完洗手間~指定動作要開盆水..同佢抹pat pat+手腳
![]()
仲要碌毛毛~乾淨晒
![]()
飲茶果陣爸爸話約左人飲下午茶~所以我都唔食咁飽
留返晏d同媽咪食tea~之後上網搵..揀去"A1 Bakery Cafe"
叫個Afternoon Tea~餐飲"熱咖啡 & 熱檸水"($139/2位)
![]()
底層公司三文治 & 煙三文魚
![]()
三文治餡料好新鮮+豐富..多士夠脆口~煙三文魚都好鹹香
![]()
中層兩款鬆餅口感好乾硬~又無牛油酥香
![]()
"瑪德蓮貝殼蛋糕"..味道比較甜
![]()
雪糕上檯已經開始溶~好香Vanilla味..但都係比較甜
![]()
頂層有3件迷你蛋糕~蛋糕層唔夠軟綿綿..果味好出
![]()
頂層生果新鮮~原圖係Macaroon..轉左朱古力曲奇
整體味道底層最好..其他一般~以分店而論..水準比較差
![]()
傾下講下..唔覺唔覺已經4:30pm~要走人啦
![]()
飲左2個幾月"當歸茶"~效用真係好明顯..終於識得發熱(哈)
身體比之前暖左好多~由其手腳冰冷情況都有改善
不過近排好似唔夠氣~除左補血..都想買d藥材補補氣
依個"當歸茶"有當歸,北芪,黨蔘,圓肉,制首烏,南棗,蛋
煲完仲篤爛d藥材~所以茶底比較濁..但味道好濃郁
都係keep住一星期飲2次(除左M)~通常當早餐食呢^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
