家族聚會。三門仔BBQ

1月17日(星期六)~之前老闆同大表弟講..好耐無去三門仔bbq

通常有活動..大表弟都會好積極去促成事件~所以老闆講完

大表弟即刻打去check下"三門仔 - 雄生士多"幾時有位

因為依家多左人去燒~訂位起碼早1個月前打去book囉

12月中..表弟whatsapp我話1月有位~即刻商量日子hold左先

之後叫佢早d係chat room問人數~等大家可以預定去燒野食

不過咁岩好多人都唔得閒~雖然得8個..但都玩得好開心呢^^

~ ~ ~ ~ ~ ~ ~ ~ ~ ~

4點半左右已經齊人~大人打牌

我地四圍行下+同表弟兩公婆傾計~等開左爐就燒野食




我地8個人..叫士多預6人份量~今次份量真係剛剛好

如果舅父去呢..就仲好~因為佢會負責燒海鮮(哈哈..懶呀)

今次去d海鮮水準一樣..但肉類差左~醃得無咁好味

之前表兄已經反映過~原來話換左肉類供應商

老闆娘話會再同供應商傾下(唔怪之得啦~希望下次會好味返)



海鮮類同之前一樣~有咩想食/唔食..可以早幾日同士多講定

佢地出去買海鮮既時候~可以有預備



全部海鮮都好新鮮~蜆仲有海鹹鮮味





d鱔肉質好靚



粟米+番薯



有錫紙提供..可以用黎包菇



配料有蒜茸+牛油~燒"牛油蒜茸包"都好正



士多負責買燒烤食物>開爐>收拾~飲品係士多自取記數

所以帶個人去玩玩玩+燒完~拍拍pat pat就走得..好方便

食物連飲品~視乎飲得多唔多野..而飲品價錢都唔貴

依日每人只係$150



依排天氣超好~燒野食真係一流

慢食慢燒..依晚玩到10:30pm就走lu

老闆講定話下次再去~叫我醃d"韓醬豬腩肉"去食

又話要泰汁~一陣又話買條..燒開果d魚去燒(聽到都忙 =.=")

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================