2月20日(Happy Friday。大年初二)~返奶奶屋企食開年飯
* * * * * * * * * *
2月21日(星期六。大年初三)~依日8點左右起身lu
老闆起身就嗌肚餓..話要食糕~昨午食完"開年飯"返屋企
晚餐已經煎左2盒糕食~依早起身又話食糕(老闆真係好勁!)
我未想食野住..所以煎比佢食囉~攪掂hea夠
12點幾出發返娘家拜年~順便拎糕去即煎當lunch食
媽咪整"雞粥"~爸爸整"羅宋湯+咖喱牛筋腩"~媽咪話煎糕
叫我地食先~食食下..唔放心~入去監工媽咪煎蘿蔔糕(好衰)
是咁的! 初二送左幾盒糕比老闆細佬~食完盆菜..老闆叫我
將送比奶奶d糕..煎比佢地試~煎完..佢地問點先煎到咁靚
由其芋頭糕..金黃外脆內軟~方法講左..唔知佢地煎唔煎到lu
所以有d緊張媽咪煎成點囉~監工完..出廳見家姐係咁笑
佢話聽到我同媽咪既對話好緊張~仲演譯返一次
之後..我話囉~因為同一樣食物..唔想整法有誤
遭撻左我d心機..一陣賴返轉頭話我整得唔好食ma(嘩哈)
終於都忍唔住要親自操刀~煎芋頭糕+年糕 :p
![]()
薑汁年糕加蛋煎~大家都話80度薑汁年糕..正^^
![]()
媽咪話妹妹可能知我地返去拜年~大年初一瞓足全日
依日完全無瞓晏覺..等我地返去~食完飯同佢玩陣先
順便同妹妹玩下自拍~因為好耐無同妹豬影合照啦
![]()
開頭唔肯影架~我同佢講..同小主人影幾張相得唔得先
講完真係肯望鏡頭~成功合照左幾張~最攪笑有張
我望住鏡頭"豬咀"~妹妹係鏡頭見到..拎過黎錫我
影完比爸媽睇返..佢地話好溫馨(哈哈~笑死我)
![]()
玩左陣..同佢做個貓massage~舒服到佢呢
![]()
之後..媽咪拎晒d果仁/糖果出黎食~家姐買左cookies比媽咪
佢話想食..咁岩我都想~咁唔客氣啦! 開左媽咪盒禮一齊食(哈)
![]()
坐到夠鐘~就出佐敦"家族團拜"~訂左2圍去"卧龍莊"食飯
大人一圍..表既一圍~唔係食圍菜..所以鐘意食咩自己點
依日d食物差左~唔知係轉左個代廚..定過年太忙所致
"口水雞"..加辣都完全唔辣
![]()
"干扁肥腸"..依個水準一樣~夠香口惹味
![]()
"麻醬雞"..麻醬太重帶笠口
如果加d陳醋令味道帶少少酸會好味d
![]()
"蟹粉豆腐"~個砵又崩又爛..外觀已經扣晒分! 味道都一般
![]()
"酸菜桂花魚"..魚腩部份帶腥~加上唔夠熱
所以食完個"羊腩煲"再放上個爐翻熱..味道好d
![]()
之前預訂左"羊腩煲" & "碌鵝"(無影)
![]()
"麻辣烤桂花魚"..有幾款魚選擇
麻辣味比預期輕~整體烤魚普普通通
![]()
烤魚追加配料..點左薯粉,金菇,大豆芽
![]()
炸饅頭(x24)
![]()
甜品送芝麻湯丸 & 桂糖番茄
![]()
依晚食到10點幾就走lu~聽日仲有拜年活動(攰)
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
