話咁快2014年已經黎到11月~仲有1個月又準備迎接2015年
人越大..時間過得越快~近依半年..其實生活都開始轉變
想投放返多d時間做私人事務~生活想再優閒+輕鬆一點
所以原本接左既job都決定擱置~部份散job都唔考慮做住
唔想攪到自己生活咁忙~加上..熱衷感無早年咁雀躍
唔想用咁既心情接job~出黎既效果都一定唔會做得好
老闆就話最緊要跟自己意願做~反正唔係等我d錢開飯喎
其次..其實想搵d有興趣既新方向玩下~不過暫時又未諗到
隨緣睇上天..日後給我既安排吧~反正我好enjoy現狀呢
~ ~ ~ ~ ~ ~ ~ ~ ~ ~
生活上..我都好鐘意獨行俠模式~覺得一個人好自由
由其shopping/嘆coffee~就算閉關幾日係屋企唔出街
都覺得好舒服又唔悶~群體生活唔係無..係唔駛咁多咁密
不過老闆成日笑我~又話隱青..又話我係孤獨村村長(哈哈)
但我唔會認囉!! 早排見到荃新天地開左間"Bien Bistro"
地方唔大..中午好多人食lunch~所以我揀tea time先去
![]()
餐廳環境舒服~加上播放柔和音樂..讓人更為輕鬆
食物方面..睇得出好用心製造~味道同樣唔錯
遲下有時間..一定會再去品嚐其他食物&甜品
![]()
![]()
唔覺唔覺..一個人係cafe都坐左接近2個鐘
依種休養生息既生活~實在係好舒服呢
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
