7月18日(Happy Friday)~雖然我的個人食譜"簡易東南亞風味"
早幾個月已經出版~但書展都會發售~早排出版社小編通知
同樣有贈券送比作者入場打打氣~反正老闆依日都off
就決定依日一齊去書展行下~我覺得今年比上年多人
逐行逛..部份出版社人頭湧湧仲要排隊比錢~到去"大眾書局"攤位
同合作過既兩位小編打個招呼~無閒談..因為實在太多人(唔想阻佢地做野)
所以打完招呼..我同老闆就周圍八下~今年本食譜都放上banner宣傳
特別多謝小編及市場部幫手大力宣傳呢^^
![]()
今年係書展終於撞到另一個埃及團友(依個無約出黎食飯)
但係fb有keep contact~所以去到書展都同老闆講"唔知撞唔撞到"
上年同一空間..但撞唔到~講完無耐..我係佢身邊行過都唔知
係老闆見到叫停我囉(哈哈)~之後傾左一陣..唔阻佢做野又say bye lu
![]()
出發前..老闆又又又話想食韓燒~問心..我真係好就得佢
我講左好多次超勁想食pizza~佢一次又一次推我話"唔想食"
行完書展..就去銅鑼灣名珠城"漢和"食韓燒(見食評唔錯..點知中伏)
原本依篇食完都無mood想寫~不過又唔想只係好食先報導囉
~ ~ ~ ~ ~ ~ ~ ~ ~ ~
服務員帶我地去到座位~即刻講限食1.5小時
我同老闆即刻打個突~跟住問佢1.5小時後..係咪另一個價錢
我寧願貴d..都唔想食到趕頭趕命~點知佢話無..總之1.5小時
果刻我真係即刻想走~我望住老闆..佢又無反應(即係勁想食啦)
安坐後..我order啤酒~老闆負責拎野食~佢第一時間拎"豬腳薑"
豬腳薑唔錯~醋底好香夠濃郁..豬腳腍但d薑勁老有渣
![]()
三文魚都ok~後面有基本既韓小食..泡菜勁鹹
![]()
自助食物檯唔多野食~好多又唔吸引..椒鹽蝦勁鹹(其他我無食過)
![]()
燒烤肉類醃料好封喉~食完成晚都勁口渴
![]()
只得1.5小時感覺好有壓力~不其然成日會望錶
又唔多野岩食~食物又唔吸引..攪到都無乜心機食
![]()
甜品糕點類無遮無掩..感覺好唔衛生~極其量揀食"豆腐花"
口感都算滑..味道ok~整體食店環境可以..服務極度一般
食物款式及味道較為差
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
