8月17-18日。送別

8月17日(星期六)~依兩日..為外婆舉辦喪禮

之前同自己講過..要開心送別外婆最後一程

因為外婆好樂天~我知佢唔想見到我地傷心

昨晚食完buffet回家~阿喂突然好感性同我講

如果喪禮中頂唔順就放聲喊~佢會借個膊頭比我

平時激我就多~估唔到佢會同我講依d野(有d感動呢)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

依早8:00..阿E舅父+姨媽表弟去醫院領外婆遺體

確認後直送往"世界殯儀館"~反正三點先有禮堂

約埋佢地飲完茶~再上"法藏寺"為外婆做第3個七

攪完都2點半lu~去Starbucks tea time hea陣

買埋祭品+蛋糕~之後就分批坐的士去殯儀館呢

換好孝衫+上香後~入房同外婆say hello+傾幾句

記得以前爺爺遺體放入玻璃房~我地只可以遠觀

依次外婆遺體係面對面~仲可以近距離觸摸到

外婆樣貌好安詳~當刻觸摸佢身體時有d感觸

同佢講句大家會開心送佢最後一程~安心上路呢

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

依日責任重大~我同阿喂負責收帛金及回吉儀

其他人就係內堂摺/燒金銀~因為喪禮一切從簡

唔會燒大屋/燒工人/燒車等(依d只係後人做既安心儀式)

不過會係"法藏寺"打幾堂齋~等外婆直接受惠

留到9:30大家都要走lu~依家唔會守夜守通宵喎

大家都早d休息~聽早為外婆做最後送別儀式

* * * * * * * * * * * * * * * * * * * * *

8月18日(星期日)~前一日大家心情算好平伏

阿喂話大殮..比較傷感~不過我最怕聽吹"D打"

真係特別傷感~朝早7點半..係紅磡食完早餐

之後上禮堂~換好孝服+上香..大家都好早到齊

等到9點開始大殮儀式~見到d表弟已經開始喊

儀式真係好傷感..好多都在喊~我要深呼吸頂住

由其瞻仰遺容+蓋棺一刻係最難頂~儀式完晒

就安排坐旅巴去"和合石火化場"~火化場好靚

園林景觀設計新穎~令人感覺係舒服多於悲傷

火化前最後一次拜祭~隨後外婆連棺木向下降

果刻有d難捨難離感(呼!!)~脫去孝服+梳洗一下

再坐旅巴到酒樓~仔女要上"法藏寺"引領外婆

完事後..媽咪+阿E及舅父join返我地食解穢酒

送別外婆儀式亦正式結束~大家各自回家lu

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

好感恩!! 依兩日雖然天陰陰..但都無落雨

有時仲有太陽~而整個送別儀式都好順利

雖然有幾刻好感觸~但都keep到心情平伏呢

親愛的外婆..你揀既喪禮日子好好~大家唔駛請假

而禮堂位置又非常靚~空間感夠大..出入又好方便

如果入面幾間就真係會好迫lu~同埋..係禮堂上

我感覺到你存在~我感覺到你開心在笑又四圍行

最後既送別儀式雖然完結~但你永遠係我心中呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================