12月2日(星期一)~休息數天..依2日繼續食譜拍攝
同樣..朝早9點多出去買食材~因為部份前一日已經買定
所以依2日要買既食材都比較輕鬆~但估唔到..部份食材
原本買開果幾間..依日竟然會無貨~其實當刻都幾心急
因為好早前已經睇定..知道實有得賣~點知臨場突然又無
好在臨急之下..腦袋不停轉轉轉~食材最終都順利買齊晒
急急腳..趕住快d返屋企~開始準備事前洗洗切切既功夫
休息左幾日..精神狀態大勇~依日要拍攝既食譜都好順利
同埋..係四日"食譜拍攝"之中~最早可以收工既一日呢^^
![]()
12月3日(星期二)~話咁快..就黎到最後一日食譜拍攝
由10月開始籌備..到11月尾開始拍攝~時間上似好長但其實又算好短
不過一日未完成..總覺得心事未了~精神上都處於作戰狀態
回顧4日拍攝過程~雖然真係有d攰..但同團隊合作得好開心又好玩
感覺上每日嘻嘻哈哈中渡過~但其實大家又非常專注用心地工作
拍攝食譜終於完滿結束~星期五..終極修改埋食譜稿比J小姐
我既工作暫算完成~後期工作就交比J小姐安排
待食譜排版完成後..作一次準確校對~再交比印刷部
食譜就可以面世了~期待中^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
