11月28日(星期四)~迪迪表弟同姨丈..黎香港玩3個星期
依日約出黎見個面~不過聽日就走lu..因為早排實在太忙
加上迪迪表弟到左香港後..有一個星期會同fd轉飛日本玩
早排見有d時間~已經返娘家約姨丈出黎..食晚餐當洗塵
迪迪表弟就未有時間見面~終於等到臨走先可以聚一聚
~ ~ ~ ~ ~ ~ ~ ~ ~ ~ ~ ~ ~ ~ ~
依日早少少返娘家坐下~順便探下妹妹豬~實在太耐無見佢
又太耐無同佢影下相啦~依日返到去..見佢係廳個竇hea喎
隔住被竇同佢say hi~之後warm up一陣..先打開張被同佢玩
因為驚如果一去到就打開個被竇..分分鐘會走貓架(哈哈)
![]()
妹妹對眼睛真係又圓又大..不過依張好似慌失失豆雞眼(哈哈)
![]()
每次見媽咪都會話~妹妹越來越乖又聽話又嗲
不過都係..我都覺得佢依家乖左~以前d脾氣好鬼臭架
![]()
最鐘意li埋玩捉手指~但唔會出爪..拍到隻手會即刻縮
不過有時失手..捉唔到~會出無影貓手亂咁拍(好攪笑)
![]()
被竇塊布通常都抓穿幾個窿~裝下佢係道做咩先
![]()
古古惑惑..偷聽我地講野
![]()
![]()
係娘家坐到夠鐘就去酒樓食飯lu~因為都多人參與
所以book左間房~可以靜靜地..大家傾下計聚下
見到姨甥仔感覺大個左好多~同埋..真係好乖好靜
食飯又定定地慢慢食~講野斯文又留心聽人講野
(我最鐘意小朋友剪依d髮型~因為我細個都係咁~覺得最有童真呢^^)
![]()
同埋..最抵讚係見到人會即刻叫~唔會扭計唔叫囉
依點我同老闆覺得好重要~因為好多小朋友唔叫人
就算父母叫佢叫..都唔肯叫~連最基本禮貌都做唔到
![]()
食完飯..迪迪表弟派手信~又拎日本買返黎既食物一齊食
![]()
![]()
迪迪表弟真係好客氣~除左朱古力+糖..仲有紅酒
所以都有話佢..唔駛買野比我地啦~雖然知道係心意
但一人一份真係好重ma~佢話因為幾年都未必返喎
所以老闆即刻應承佢~有機會就過去探佢地呢^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
