7月28日(星期日)~朝早收到消息..外婆悄悄地離開左我地
外婆本身好樂天+好精靈攪笑~每次見佢..面上總掛住笑容
以往佢一個人住~我得閒+掛佢呢..就會打電話同佢傾計
有時佢仲忙過我~傾兩傾又話追劇..一陣又話要去街^^
還記得..佢最鐘意自己一個人~坐車去Sogo買壽司
又買得意日本零食返屋企~所以我地成日話佢"潮"
還記得..新年去佢屋企團拜~計計埋埋..有17個孫ma
除左利是..每個孫仲另外送筒"金莎"氹我地開心
叫我地要開開心心..甜甜蜜蜜~真係份外甜心呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
自從外婆轉入老人院住之後~身體就每況愈下
由其最初入老人院時~佢最難接受依個事實
知道佢會好唔開心~所以成日去探佢+開解佢
不過每次見到佢喊~我又會喊埋一份(唉!! 佢仲安慰返我)
後來..漸漸習慣老人院生活~又開始經常出入醫院
大半年前左右..醫生驗到外婆大腸有陰影(估計腸癌)
不過年紀已經咁大~一動不一靜..無謂要佢捱一刀
我都同媽咪講..唔好比佢知~等佢開心過埋個人生囉
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
出入院期間..我都會探佢~上星期日(21/7)都去過醫院
話時話..外婆住醫院仲精神過係老人院~面色好好多
果日佢好精靈~因為阿喂少探佢..問佢知唔知係邊個
佢諗左陣都記得~雖然反應係慢d..但思維非常清晰
後尾..護士話星期一(22/7)可以出院~都即時安心晒
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
昨晚(27/7)好夜係fb收到入院消息~諗住聽日去探佢
估唔到(28/7)朝早係fb收到死訊~當刻真係好意外
輾轉喊左2個幾鐘~腦海突然出現左個畫面(Amazing)
畫面係外婆同外公手拖手~笑得好甜+開心向我揮手
隨後依個畫面..同日出現好多次~個心頓時慢慢平伏
同埋開始釋懷~外婆如今得到解脫(同外公分開4x年..終於相聚)
加上以咁多孫黎計~其實我同外婆既感情算好深厚
媽咪話..可能外婆見我過度傷心~所以傳個訊息比我
同埋..外婆走既時候~特登等佢地走晒..悄悄地離開
醫生話佢走既時候唔太辛苦~喘左幾分鐘就走左lu
(後知:爸媽+兩個阿E凌晨12點..趕去醫院睇外婆~醫生同佢抽左胃部3-4公升廢水
抽完話舒服左好多~陪到3點幾..見外婆情況穩定~大家都回家休息一陣
諗住28/7再去探佢~點知..7點多醫生話外婆過身了~大家都見唔到最後一面)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~都明白"人生"如同坐巴士~有緣坐埋同一班車
總有人會先下車~而最終大家都會係終點重聚
當然離別感覺好難接受~但傷痛過後..還是要振作
我最親愛的外婆..好開心見妳同外公係天國重聚
生活一定會更開心甜蜜~閒時..記得來夢中找我
因為我太掛住你呢~而我地各人都好好..你別掛心
祝你在天國~同外公生活開開心心..甜甜蜜蜜
我們總有重聚的一天..Love & Miss u Forever!!
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================