11月8日(Happy Friday)~8月初同baby笠..係重慶食完"印度菜"
已經講定9月再約食飯~不過我要去旅行..之後大家又忙
終於等到11月先約得成~定好日子..問問baby笠想食咩呢
佢話想試下食"雞煲"喎~其實荃灣區好多雞煲都好有水準
不過費事佢特登過黎+車程都遠ma~加上見佢提議太子區
原本太子+柯士甸道各揀一間~但打去(柯)book檯話有限時
所以最終揀去太子.."豐璟雞煲燒烤吧"試下呢^^
~ ~ ~ ~ ~ ~ ~ ~ ~ ~ ~ ~ ~ ~ ~ ~
我地點個"麻辣雞煲(半隻..小麻+小辣)"
![]()
配料有大豆芽..青甜椒..洋蔥
小麻小辣..味道帶好微微麻辣~醬汁底濃郁..但味道較為平凡
![]()
跟上醬料..蒜茸辣椒醬油
![]()
baby笠成日話要同我隊啤~不過佢本身唔嗜酒
我又費事佢陪我飲ma~佢明白我點解呢(哈哈)
最終都叫左2支..佢飲左一杯多d~齊齊麻甩下
![]()
食店送既.."蒜茸烤蠔"
烤得剛好~蠔肉爽口唔韌身..蒜味好香
![]()
半隻雞既份量好少~所以再點火鍋料(加湯灼食)
選擇種類唔太多~我地揀左"炸魚皮"
好碎..乾身~味道普普通通
![]()
"魚片頭"..口感爽彈
![]()
"金菇"..份量比預期少
![]()
baby笠欽點"燒茄子"
外脆內軟..蒜味帶少少麻辣及柱侯醬味~但偏鹹左少少
book既時候店員有講..如果人多有限食時間
最終食左2.5hrs都無催埋單~但出面都幾多人等緊位
食店環境夠光猛+乾淨~整體食物水準普通..服務不錯呢
![]()
食完飯已經9點~問baby笠想行街定食甜品傾計
佢話食甜品..出發前已經搵定間"227甜棧"
所以離開雞煲店~我地就直接過去食甜品lu
食店以中國古代既客棧為主題~掛上紅燈籠及木製用具
整體裝修格局都幾好feel~坐位舒適又無催趕客人既感覺
糖水"養生花系列"~我要"仙草涼粉配珍珠+杞子龍眼肉"
仲有糖水底選擇("養生黑糖水..薑汁黑糖水..微糖黑豆漿..走黑糖沙冰")
我揀"薑汁黑糖水"
![]()
仙草涼粉比較散碎~味道帶微甘
龍眼肉好香..味道好濃+口感結實(靚)
珍珠個心帶硬+粉~感覺未完全煮透
![]()
baby笠要"仙草涼粉配手工芋圓地瓜圓+黑糖寒天凍"(跟養生黑糖水)
芋圓地瓜甜身帶煙韌~味道好唔錯呢
整體糖水+服務都ok唔錯~不過唔知係咪化學作用..食到一半有d扭腸肚痛
回程同baby笠whatsapp..原來佢都有喎(哈哈)
![]()
依晚見面好開心~同baby笠傾左好多好多話題
講極都講唔完~因為平日忙..好少whatsapp聯絡
加上唔鐘意用whatsapp傾閒計~比較浪費時間咁
依晚傾到咁上下~老闆打黎問返去未(嘩! 原來11點啦)
因為依日佢放假~出門果陣..叫我返黎買宵夜佢食
估唔到咁晏先走~問左佢話食喎..回程買埋宵夜先返屋企lu
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
