5月23日(星期四)~依早收到編輯J小姐whatsapp
話想交份"食譜稿"比我對~原本以為佢指既親自交收
同第一本一樣..派速遞員送去我屋企~點知我誤會左
原來佢想親自交比我~我見交收完..都係返屋企對稿
之後又要搵日再約交收~所以直頭話..上去佢公司
"即對即交"仲慳時間~又唔駛兩個花時間走來走去
不過J小姐好似唔係幾好意思~其實我真係無所謂
反正唔係遠~同埋..最緊要直接了當解決件事呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
出發前..J小姐仲約定~對完稿一齊食lunch
之後佢再話..約埋另一個marketing同事一齊食喎
其實都無所謂既..反正當識多一個朋友仔^^
攪掂晒屋企野..就即刻出門口~11點多去到(YES)
![]()
開始對稿無耐~J小姐帶個Marketing同事入黎介紹
原來佢指一齊食飯既同事..係Manager級
用左接近個半鐘..順利完成對稿程序~之後一齊食lunch
整個飯局好多交流..同埋傾得好開心呢(謝謝這餐的款待^^)
![]()
前幾日個fd講開..諗住係blog search"京蔥炒雞"
點知出左我2009年既舊post(其實連我自己炒過都唔記得)
比佢提一提..可以唔駛諗餸~去Jusco買2條京蔥
是日晚餐..整左個"京蔥炒豬扒"
![]()
Jusco買既京蔥真係好靚
我比較鐘意食半生熟口感..帶爽甜
![]()
配搭方面都好廣泛..雞/牛/豬等都一樣咁惹味
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
