7月6日(Happy Friday)~依家通常隔個星期五
會自己返娘家一轉~陪爸媽飲茶+返去探下妹妹^^
之前都有keep住打比媽媽..傾下電話~其實由我6月頭
出發去旅行..媽媽就開始感冒+發燒又咳~咳到昨日打返去
都仲聽到佢咳得好嚴重~睇過中/西醫都唔知咩原因咁咳
加上媽媽身體仲未復完..真係好擔心囉~好在照過肺話無事
同埋..有日媽媽自己睇完醫生~返屋企途中..係街暈左2次
(跌到眼鏡都爛埋+右手界傷左+個身又有瘀傷~聽完個心好痛~成日話怕我地擔心
所以唔會即刻通知我地~上次急切到連續3日要call白車入廠~又係隔左好耐先講返出黎..唉!)
傾完個電話..擔心到我成晚瞓唔著~依日好早出發去酒樓lu
見媽媽雖然咳得好嚴重~但面色都算可以..但都哦左佢幾句囉
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
飲完茶..下午返到娘家~第一時間同妹妹請安(哈哈)
不過隻衰野掛住瞓覺..唔多理我(成日瞓..瞓到個籮pat越來越巨)
![]()
妹妹唔理我..爸媽話不如一齊玩"三國小豬R爆頭"喎
爸媽好鐘意打機架~我好支持佢地打機(因為可以keep住個腦活躍)
![]()
唔係講笑..有d問題真係R爆頭~由其歷史..我就最弱雞的
![]()
我玩完個結果..唔係"粗心大意"就係"學業平平"(哈哈)
![]()
之後同爸媽一齊玩..結果只係"知識豐富"
因為有d問題大家會爭論~所以唔係best of the best(哈哈)
![]()
媽媽好勁呀..係"有腳書櫥"(不過我笑佢囉~車! 日日玩..d答案記得晒啦! 哈哈)
![]()
係娘家坐到5點先走~原本諗住外買壽司返屋企食就算lu
不過阿喂話想食火鍋+飲啤酒~咁我話好懷念個"辣雞煲"(<~click)
所以約佢收工~直接去"一品雞煲火鍋"回味一番^^
依晚叫個"全雞煲"~因為上次試過佢地d火鍋料好一般
所以寧願主打食一隻辣雞~另外加菜去灼食
![]()
個辣雞煲水準依舊..正~但唔滿意..食店要齊人先安排入坐
同埋其實佢地租左好多個舖位(=超多座位)~但依然有"限食時間"
我地食完但未飲完啤酒~已經黎執檯換檯布擺位+叫我地埋單
依種生意手法我真係最憎~就算幾好食..我都會搵過另一間囉
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
