初三。娘家拜年

年年過年都好忙~忙足咁多日要出去拜年(勁攰!!)

依幾日唔夠瞓..要飲幾杯咖啡提神(平時限定1星期飲1杯)

不過難得咁齊人聚埋~又真係好鬼開心既^^

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

2月10日(星期日..大年初一)

依日阿喂有特別事要做~所以佢出門後

我就閉關留係屋企~前一日已經買定食材

大年初一..阿喂都一定同我食"全素餐"

因為我同佢講~可以修一年功德呢^^

下午茶時間~我都有whatsapp提住佢

驚佢唔記得..叫錯食物~好在佢話唔餓

等到夜晚8點先返到黎~同我食全素晚餐^^

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

2月11日(星期一..大年初二)

依早返阿喂媽家拜年+食開年飯~hea到四點

就出發去老人院同外婆拜年~不過太晏去到

媽咪話反正等齊人~食完飯先再一齊上去喎

年年初二都好齊人~可以見d表弟妹+姨甥仔

食完飯..全部人再去探外婆~之後..好攪笑

阿喂捉住外婆隻手~外婆話阿喂隻手好暖

阿喂話外婆隻手~原來好軟綿綿又滑手

我同表弟即刻講笑話.."公然抽阿婆水呀"(哈哈)

探左陣就一齊走lu~差不多十點返到屋企呢

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

2月12日(星期二..大年初三)

依早係屋企煎糕食~同阿喂當早午餐

食完就出發去老人院探嫲嫲~嫲嫲好精神

身體狀況比外婆要好~嫲嫲年紀仲大d添架

探完就返娘家拜年~夜晚順便食埋飯先走

依日家姐整左"芝士波波"比我地食..好煙韌



晚餐.."椒鹽虎蝦"



橙色蝦膏多到呢..好似茄汁蝦既色咁





爸爸仲有一份"炆羊腩"~話用黎打邊爐喎



伴"玻璃生菜"



我同媽咪唔食羊肉~所以再整個"臘味煲仔飯"



臘味飯夠晒鹹香味







食埋依餐蠔..叫爸爸要停一停啦(呆..!!)



前一日全素日..媽咪留定碟"南乳炆齋"



依晚食到一半已經超勁眼瞓~hea到9:30就走lu



~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

2月13日(星期三..大年初四)

依早約左阿喂爸家族團拜飲茶~連續食足幾日

依早無咩胃口想食野~加上真係好攰+眼瞓

飲完茶同阿喂走先~之後去bauhaus買牛仔褲

新年會去買褲(富)..同阿喂互送取個好意頭呢
(我本身都like去依間全線買衫褲~因為岩我style)

之後買埋餸返屋企~煮完飯..終於可以休息lu

今個新年假期~就是這樣渡過呢^^

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================