9月4日(Happy Friday)~今個星期..有三日閉關係屋企
好在儲備充足~每日早/午/晚餐都有食物準備比老闆食
其實佢都好好奇..屋企唔覺有咁多存貨~但我唔出去又ok喎
總之..每餐食得佢飽飽~唔好理我個糧倉有幾多儲備呢^^
同埋..每次閉關實問我係屋企悶唔悶~講真! 真係唔悶喎
因為屋企實在太舒服到..唔會想出街~不過都反問返佢
乜你鐘意個老婆成日出街唔痴家架? 是日晚餐.."炸三文魚柳"
![]()
係Aeon買開既原條三文魚柳~好多時用黎切粒滾湯
代替用豬肉煮湯~加上又無"三文魚腩"既油脂咁漏
今次用黎半煎炸..香口d又可以送下啤酒
![]()
老闆like食椒鹽小菜~所以又係比較常整
今次整"椒鹽多春魚"
![]()
多春魚要先撲粉煎香~再用椒鹽料炒
要有心機+耐性~慢火煎..高火好易爆春
![]()
"和風沙律菜"..用日本椰菜mix澳洲甘筍
醬汁..除左和風沙律醬~仲加左白醋,日式芥末,醬油
老闆開頭話沙律菜份量太多~最終食唔停口果個係佢囉
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
