不經不覺..籌備第2本個人食譜~已經接近尾聲^^
今次唔係第一次出食譜~果份驚喜感..的確已經有減退
但其實又可以話..當中既熱衷感已蓋過驚喜感~所以今次
我會先處理工作~再以低調公佈及好好紀錄整個出書過程
![]()
3月13日(星期二)~出走回來後2日~出版社編輯"J小姐"
msn問我有無時間..想搵我出食譜~商議過程用左半個多鐘
原本我都想考慮下先~咁佢問我要考慮幾耐..不過我諗諗下
反正之後果2個月..我都有空檔~而題材方面..都覺得ok既
最終就即刻應承..接左依個job~加上我唔想拖慢人地做野
隨後..我開始依J小姐既方針去寫食譜~有正經野做..
我會想速戰速決~但做野唔會急..最緊要快手起貨囉
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
~ ~ ~ ~ ~ ~ ~ ~
~
終於用左17日寫好食譜草稿~諗住再搵"J小姐"傾傾既時候
傳來一個消息~話我本食譜將會交比另一位編輯"L小姐"負責
當時真係有d緊張~因為未拍過ma..同"J小姐"拍過會知佢要求
不過好攪笑.."J小姐"不停安慰我~話出版社既編輯個個都好好人
叫我唔駛太擔心~不過既已事實~都唔擔心得太多..點都要面對
終於..4月頭我將整份食譜草稿~email比"L小姐"先過目一下吧
P.S.
其實寫blog我主要為記錄自己既生活~以消閒心態去寫blog
所以無寫"食譜"習慣(除左"點點甜點"分類)~亦唔想為寫食譜而去寫blog(依個唔係我風格)
至於出"食譜書"寫食譜~我會視為一份工作~回報唔太重要..當中既"肯定+滿足感"先係我追求既結果呢
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
