胡椒花甲煲 & 清蒸石蟹

8月2日(星期日)~昨日係Home Bar食剩左d鹹豬手

唔會浪費食物..打包返屋企循環再食~依日老闆話食蜆

知佢like食濕濕地有湯既~就整個惹味"胡椒花甲煲"過佢食囉


除左花甲..鹹豬手~仲加入大量配料



用薑,乾蔥,蒜頭爆返香鹹豬手~再加入即磨白胡椒碎炒勻

加清水&番茄..滾起濃湯底~最後..放入已飛水既花甲滾起

關火放入唐芹..蔥粒..芫茜~攪掂! 鹽都唔駛加..夠晒味
(我習慣蜆類會快飛水~開口即盛起..可以保持嫩口~因為d蜆水好濁又起泡..感覺好dirty) 



食到一半..老闆話想食湯米粉~又去即煮放湯

白胡椒味夠晒香辣~加上有番茄酸酸地好開胃

老闆超like依個湯..仲講定可以用黎做火鍋湯底



難得係街市又見到石蟹出現~因為真係好少來貨

所以買2隻~石蟹係海蟹..點睇外表分別係石蟹呢?

蟹殼有4點白紋~蟹身細鉗大..而蟹係深紅色的

肉質鹹鮮有彈性~所以海蟹黎講..絕對好抵食

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================