1月20日(星期二)~好多時我煮既晚餐
老闆會開心share上fb+專頁~有時飯聚見到佢細佬及家人
老闆又會share我煮過既食物相比佢地睇~然後有人會問我
係咪自己煮? 之前都問過幾次..最近果次係"雞粒糯米飯"
有人又問我係咪自己整"海南雞飯"~我答佢依個唔係(無再傾)
但心裡就更加睇清楚~原來我送既"個人食譜"係完全無睇過
因為問過既"海南雞飯,冬蔭功湯"等~全部有收納係食譜書內
所以當刻答完"唔係"之後~無刻意提起..我本食譜書有寫
因為覺得根本無珍惜人地送既野~同埋..有時問人乜乜點整
我未講完..又已經答知知知~其實..做人可以虛心一點去學
我請教人任何事~就算知某part..都會等人講完先出聲(依d係基本專重)
所以我都冷冷地同老闆講過依件事(唔值得我去嬲既..只覺得好無意思囉)
~ ~ ~ ~ ~ ~ ~ ~ ~ ~
依日全素日..好耐無post過素餐~依晚整左個"薯絲煎蛋餅"
![]()
買左2個細薯..刨絲~再略煎一會
因為仲有好多天婦羅粉~所以加d入蛋液一同拌勻
等佢帶點漿力~再將薯絲拌勻蛋漿中..煎至金黃~攪掂!
![]()
雖然加左少少天婦羅粉~但口感同蛋餅一樣..軟軟的
![]()
蛋同薯絲味道好match~兩款食材本身煎起已經好香
![]()
蛋層包裹住絲絲薯絲~簡單用海鹽調味
已經好味~老闆再欽點用ABC辣醬伴吃..正!
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
