12月19日(Happy Friday)~老闆whatsapp話想係屋企食火鍋
其實咁凍..我都係咁諗~不過見佢仲有少少未好返晒
湯底主題都要整得清淡d~是日晚餐.."鱆紅魚頭豆漿鍋"
![]()
係Aeon見到個"鱆紅魚頭"好新鮮~所以買黎淆湯底
本身我like食上海鹹豆漿~所以加d豆漿(+水)
等個湯底味道濃郁d..又有魚湯味
![]()
湯底材料有椰菜..粟米..甘筍..懷石小砵黑胡麻豆腐
"黑胡麻豆腐"..1 pack有4件~不過唔好食既
黑芝麻味係好濃但帶苦~口感軟bad bad..不討好
![]()
豆漿:水=1:1~等滾完個湯..魚味突出過豆漿
因為太重豆漿味~老闆又話唔like食架啦
不過無同佢講加左豆漿~問幾次好唔好味..又話正
食完先同佢講加左豆漿~佢話..唔怪之得咁怪啦
之後仲講左好多次話唔鐘意食喎(唔講好地地..講左就話唔好食)
![]()
本身我地無乜食力~近排情況仲越食越少
雖然可以循環再食~但都唔預咁多火鍋料
簡簡單單有.."墨滑併蝦滑"~蔬菜有椰菜及金菇
![]()
原本想去"民豐"買餃子~不過鮮蝦類..要下午先有
依間店次次都好誇~排隊買餃不在講..人手足都包唔切
不過你問我係咪十級好味..非吃不可~又唔算係囉
所以最終都係買"韓國餃子"
![]()
依款係Bibigo"手工餃子"
每粒都好巨+包得好靚~泡菜味道好好
皮層滑唔太厚~餡料有豬肉+粉絲~食2隻已經好快飽
![]()
最後..買pack"美國特級肥牛"比老闆獨享氹下佢呢^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
