蒜米瑤柱魚蓉粥

12月18日(星期四)~老闆星期初開始奄奄作病

今年算叻架啦..12月先病~以往每年10月就開始病到1月尾

次次叫佢著多件衫..實講依句 : 哎呀! 老婆..你真係好煩呀!

咁算囉! 我都費事再提佢~佢鐘意病..唔通唔比佢病咩(無言)

爸媽就叻呢~我日日都叫佢地要好好保暖+好好照顧身體

佢地有做架~證明老闆真係唔識照顧自己(無左我佢就慘啦! 哈)

原本諗定整d好野佢食..都唔得~今個星期食得超勁清淡

主打蒸餸/荷葉飯/雜菜煲/魚湯~依日天氣依然好凍

整個熱粥..順便保暖~是日晚餐.."蒜米瑤柱魚蓉粥"




病人唔好食雞..我唔食牛又唔想食豬

所以買件魚腩返黎~先蒸熟後起肉..整成魚蓉



整"荷葉飯"仲有半包"扇貝粒"剩~用黎做埋粥料



另外..粥底仲有粟米, 瑤柱, 榨菜, 蒜米, 蔥

加d蒜米又有蔥~等老闆食完快d好返



冬天食粥真係好正~食完超勁暖

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================