荷葉飯

12月15日(星期一)~早前同老闆去美心飲茶

點左個"荷葉飯"..佢話好好味~入面用料清清淡淡

用蛋炒飯底+蟹肉..充滿蟹鮮味~蒸起個飯又保持夠乾身

所以佢講完..我話搵日整比佢食~都講左好耐..依日終於記起(哈)

是日晚餐.."荷葉飯"


食材有扇貝粒..瑤柱..蟹肉

依款"即食蟹肉"..用過黎整"蟹肉薯餅"~味道都唔錯

所以懶得折蟹肉~用佢就最方便呢



上面3款食材都屬淡鮮味~所以另外再加入蝦乾

唔整蛋炒飯底..轉用鹹蛋蓉~等個飯帶點鹹鮮+甘香

蔬菜方面..就加少少甘荀粒



炒好個飯..放入荷葉內包裹





蒸完個飯帶金黃色~仲有荷葉香味

老闆好like..話夠乾身+味道鮮中又鹹鮮

我反而好like用鹹蛋蓉帶出既味道

蛋白都無浪費..加左去煲"海帶節瓜魚肉湯"呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================