5月22日(星期四)~老闆Day Off..原本打算聽日自己返娘家
既然佢突然放假~咁就早一日..一齊返娘家同爸媽飲茶^^
之後順便探下妹豬~坐到3點就走lu..因為聽日佢要返工
諗住早d返去買餸煮晚餐+休息下~又唔駛太晏走咁攰呢
回程老闆已經講想食咩食咩~佢欽點都好..唔駛我諗ma
雖然食來食去都係果d(哈)~泰式晚餐.."泰式生蝦刺身"
![]()
都係果句..唔會再問佢"成日食悶唔悶"~因為佢實在太愛食生蝦(哈哈)
同埋..佢話始終自己整~用料靚+一定最乾淨喎
![]()
老規矩..蝦頭通常整"椒鹽蝦頭"
![]()
原本老闆想食"油鹽水煮蜆/螄蛤"~不過蜆類唔想食太多
驚好易有肝炎~所以提議轉整個"豉汁蒸蟶子皇"
![]()
依個size蒸4分鐘就ok~最後放蔥粒淋上滾油..比d豉油~攪掂!
![]()
"泰式鹽烤魚"
![]()
魚肚灑d鹽~插入香茅,青檸及檸檬葉~用牙簽封肚
面層搽一陣厚鹽再Grill~直到外皮金黃脆卜卜
![]()
原塊魚皮撕開~肉質仲有水份..鹽味剛好入晒魚身
魚肚又有香葉香味~伴泰汁同吃..惹味
![]()
下午飲完茶返娘家坐~同妹妹say hello..佢喵返我(哈哈)
除左爸媽之外..佢真係好少回應~之後都有出黎玩陣囉
我li係房門口用手機偷影佢..比佢發現~第一張好好奇
到第三張都懶得理我啦(哈哈)
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
