泥鯭粥

1月13日(星期一)~老闆上星期中又開始病

一轉冷少少天氣..叫佢著返件厚d既褸~又話唔凍..又話我煩

終於又中招~佢病都好影響我架! 要陪佢戒口..好多野唔食得

依日佢話想食"泥鯭粥"~要特登入街市~其實之前佢已經話想食

不過大條既"深水泥鯭"唔係成日有貨~掌心size既我又唔會買

同埋..其實要我欽點生劏活魚~心理上唔好受~買左返黎我唔會食

所以通常同佢一齊入街市~買魚我唔會望+行遠點..等佢自己揀

~ ~ ~ ~ ~ ~ ~ ~ ~ ~

依日街市得一檔有"深水泥鯭"賣~買左五條..夠晒老闆食

可以留兩條做lunch box~是日晚餐.."泥鯭粥"



煲好蒜片果皮粥底~煎好泥鯭..連同大量蔥粒及芫茜放入去滾滾..攪掂!





配粥必備"大頭菜粒粒"~除左粥仲買左"炒麵..花卷..黑糖饅頭"

因為我食淨粥~配埋其他食物咁就夠晒飽肚呢^^

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================