3月16日(星期日)~依日瞓到12點先起身(爽)
Lunch老闆話去"金坊"食泰飯~反正新分店未去過
所以又去試下..食物水準一樣咁正喎~座位都好舒適
第日可以多d去新分店食lu~因為正店超旺好多人
其實依間都旺~不過有時轉下環境食野..感覺又唔同d囉(哈)
食完問問老闆晚餐想食咩呢~原本諗住整常餐"煎釀三寶"
因為知佢好鐘意食~點知佢話依2日食左好多肉..想食清d
叫我整生果比佢食喎~買完生果..又話想買d沙律菜添
是日晚餐組合左兩個沙律.."生果沙律盤"
![]()
有泰國金柚..紅肉橙..奇異果..楊桃..黑欖
![]()
"三文魚羅馬生菜"
上年姨媽返黎香港送別外婆時..送既三文魚罐頭
最後一罐終於食埋~真係勁鐘意食依款三文魚罐頭
![]()
簡單用羅馬生菜配三文魚肉
再刨上芝士碎及灑上黑胡椒碎~以白松露油作調味
![]()
依支白松露油..係老闆表弟托舅母回港時送比我
話因為知我鐘意煮野食~真係好有心呢
![]()
開蓋已經好香淡淡菇菌味~依日簡單就咁伴沙律試味
味道真係好有菇香~下次會開始配搭其他食物整法
我相信用係..意粉/湯/沙律都一定好好味^^
![]()
最後有"牛油法包"
依餐真係好清新~食完d腸胃感覺好舒服
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
