焗豬肋骨

1月9日(星期四)~月初用左14年既微波爐終於壽終

反正其實好少用~一個月都未必用到3次~所以同老闆講

唔買微波爐~不如換個大d既焗爐啦~仲記得好早年..

老闆勁反對我買焗爐~係因為唔想我整甜品/蛋糕/曲奇

依d全部佢都唔鐘意食~終於疲勞轟炸左成年..先比我買個細

買之前我話唔整~買左就耐我唔何啦(哈)~初初係有整曲餅/蛋糕

不過整整下都無太熱衷..只係好間中想整+有時間先會整

反而焗其他食物仲多~所以今次老闆聽到..我話換個大焗爐

佢竟然話"好"~仲急到講完叫我快d買~舊果部就拎返娘家用

早幾日終於送左貨黎~趕緊試機+要加快"人機合一"

前一日已經試整左個"焗燒雞"~效果好好

依早醃定條豬肋骨..夜晚整"焗豬肋骨(伴沙律菜)"

~ ~ ~ ~ ~ ~ ~ ~ ~ ~

下午係Haagen Dazs食完Tea~其實都仲好飽

所以晚餐將條豬肋骨切開兩份~留返一份聽晚再焗過



醃料用返09年..第一本個人食譜既"自調叉燒醬"醃製

醃左over 8個鐘..夠晒入味~焗完最後掃d燒烤蜜糖

老闆話勁好味~而且入面仲好Juicy



最後..簡單伴上"沙律菜"呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================