意粉。芝士肉醬&芝士蘑菇

1月16日(星期四)~真係超耐無係屋企煮意粉食啦

有時就係咁~有d野想食..就要即刻食到~想整就會即刻去整

所以依晚就整"焗意粉餐"~仲依個人口味整左兩款唔同既意粉

因為老闆勁like食肉醬意粉~我又唔想食太多肉~所以有兩種口味

各自滿足一番~是日晚餐..老闆既"芝士焗肉醬意粉(伴煙三文魚沙律菜)"



"茄醬茸"同樣用新鮮番茄..先煮成醬汁~炒好牛肉碎再加汁略煮

而茄醬茸同樣以黑醋漿作提味~可以令茄味更為突出

見老闆食得津津樂道~仲話真係好好味..好有水準

開頭以為佢玩野~因為每餐問佢好唔好食..佢咩都話"好好味"

不過今次佢邊食邊講左好多次~我估應該真係好岩佢口味^^



我既.."芝士焗蒜茸蘑菇意粉(伴煙三文魚沙律菜)"



用大啡菇做主要食材~加入蒜茸,牛油及蒜椒鹽簡單作調味

菇味非常濃郁~再有蒜香牛油及芝士既味道..好正!





另外..伴個"煙三文魚沙律菜"

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================