蒜米粥+菜圃粒粒

11月21日(星期四)~上篇仲講緊..天氣涼左好多

老闆仲著緊短衫短褲又嗌熱ma~話口未完..就中招了

傷風+感冒起得好快~仲日夜不停咳~依日要去睇醫生

醫生批左2日病假..變相可以連休4日~等佢好好瞓個夠

中午出去買餸..都買定d蛋糕+麵包~等佢食藥前有野落肚

再買定聽早食糧~務求令佢食飽就瞓..瞓醒又有足夠野食呢

~ ~ ~ ~ ~ ~ ~ ~ ~ ~ ~ ~ ~ ~ ~

是日晚餐..特別為老闆而設既"蒜米粥+菜圃粒粒"

之前聽媽咪講..感冒用蒜頭煲飯~可以加快康復

見老闆話想食粥~所以加好多蒜米一齊煲

另外..食既時候再放大量蔥粒滾一滾先食

老闆話個粥好似食緊魚粥~只不過無魚味囉(哈哈)



另配個"菜圃粒粒"



食材有菜圃..肉碎..冬菇..玉豆..紅尖椒..素火腿
 
再配大量蒜茸及蔥粒~簡單以蠔油+調味料作調味..攪掂!

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================