8月10日(星期六)~昨晚同阿喂各自有飯局
佢仲早過我返屋企~me me摸摸成12點先瞓
依早都瞓到9點幾先起身~見阿喂仲未瞓醒
我攪下自己野先~等到差不多11點..佢都起身lu
原本佢話出去食野~不過下午會出尖沙咀行街
之後順便食埋飯~我唔想咁晏食完野又先返屋企
晏d又再出去..無謂咁頻撲~加上天氣好爆曬+熱
唔想咁早出去活動囉~反正屋企仲有d食物物資
我話不如..係屋企整個"Saturday Brunch"呢
Brunch Set.."魚柳包拼雞肉腸(伴生菜絲)"
![]()
原本沖左杯"Green Tea & Mint"比阿喂做餐飲
但見我飲齋啡~又好奇話想飲(次次都係咁架..試啖又話超難飲)
反正屋企有煉奶~沖杯甜甜地既比佢試下囉
今次佢竟然話好好飲~係咪導左佢上癮呢(哈哈)
之後有幾朝~返工食早餐都叫我沖比佢飲喎
![]()
又要再講..同阿喂係屋企幽閒食西早~真係好開心囉
可能閒日返工..只係煮比佢食~食完抖陣就送佢出門
好少機會一齊係屋企食早餐~所以好享受依份感覺^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
