11月26日(星期一)~依日阿喂off
所以星期六講定..留返依日先去睇"Life of PI"
原本叫阿喂..星期六好買定飛~佢又話無咩人睇
到時買都未遲~點知去到戲院..勁多人排隊買飛
真係火都黎埋..邊排隊邊插阿喂~做咩都無計劃
咩都等last moment先做~忍左佢好多件事係咁架啦
我做人既原則唔係咁ma~有d野可以早預備就做左先
預計唔到既突發事..到時臨場執生~最緊要有兩手準備
嬲到我呢~同佢講"以後全天候..我話晒事"(點知佢仲係道笑喎~煞!)
~ ~ ~ ~ ~ ~ ~ ~
講返套3D戲先~整體故事內容..其實比較平淡
但表達比我好大感覺~而畫面都好奇幻好靚呢
睇完戲去"滿記"食埋碗熱糖水~就買餸返屋企lu
依晚整左個"小鍋晚餐"..主角係"蘿蔔脆鯇魚煲"
![]()
先煮好個"煲仔菜"
![]()
再用迷你gas爐~滾住個"煲仔菜"食
既然唔算火鍋~我就稱之為"小鍋"食法^^
![]()
另外有土芹,蔥,辣椒
![]()
醬汁底特別預多d~食到尾段..再加d熱水
用黎灼菜伴食~形式上如羊腩煲一樣(不過我唔食羊的)
![]()
近排阿喂成日都話好想食"湯丸"
依晚整個"紫番薯湯丸糖水"滿足下佢囉
落左好多薑..順便驅寒~臨食前先搓湯丸
今次餡料用"黃蓮蓉"~即搓即食既湯丸好彈牙呢
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
