避風塘炒蝦+韭菜豬紅蘿蔔

8月17日(Happy Friday)~wow..又到Happy Friday啦

原本依晚阿喂有飯局~所以昨日..我都提早"全素日"

諗住依日自己返娘家~不過打風..阿喂話飯局臨時取消

不過又好在..今次"啟德"既風力唔太勁~快來快走(go go go)

全日仲有陽光~下午出去買餸都可以好輕鬆唔駛拎遮^^

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~  ~ ~ ~ ~ ~ ~

嗯..!! 由於新主題"小炒晚餐"~阿喂既反應出現異常興奮

所以依日繼續encore..等佢繼續興奮~前2日叫阿喂估下

我會煮咩小炒~衰得佢話唔估喎..仲話到時開飯咪知囉

真係無情趣~不過我慣左佢係咁..我又慣左成日叫佢估囉(哈)

唏..唔估就算啦~小炒晚餐先黎個.."避風塘炒蝦"




開邊蝦用少少鹽醃醃~之後印印水就可以落鑊爆

一般避風塘料都用蒜+辣椒~曾經食過一間有加豆豉

味道更香+惹味~所以依晚自己整..都加d豆豉爆香個料



全部開邊蝦爆到開晒口~蝦肉更易入味

見阿喂食蝦之餘..仲將所有避風塘料全部清晒^^



另一個"韭菜豬紅蘿蔔"~依個餸係阿喂至愛

平時去大牌檔實叫黎食~所以依晚特登整比佢食囉



不過如果買唔到"豬紅"~我唔會整(因為驚有d檔係賣"雞紅")

"雞紅"同"豬紅"既味道+口感差好遠~所以一定要用"豬紅"

終於行左2個街市..有檔最似喎~煮完試食下..果然係真既^^



知阿喂超like蘿蔔~所以加料買個大蘿蔔..又當一份蔬菜(蘿蔔好甜啊)



韭菜既份量都特別買多d~順便幫助通血管^^

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================