印度咖喱晚餐

9月7日(Happy Friday)~早幾日已經諗定

依晚整咖喱食..加上耐無食又心癢癢~真係食極都唔厭呢

記得上年年尾..阿喂終於肯陪我去重慶大廈食"印度咖喱"
(同阿喂出去食野~如果佢感覺..品流比較複雜既地方~就唔會想同我去~依點佢算幾細心囉
其實除左衛生差+有巨強出沒既地方唔去之外~我唔會自覺清高而揀地方食野..最緊要好食呢)

實在好回味個"瑪莎拉"味道~所以依2日整定d"中東包"

目的..就係要配合Happy Friday既主題"印度咖喱晚餐"




"瑪莎拉"係我味蕾中..留下既記憶~除左夾雜香料外

最突出係番茄酸味~再混合香濃咖喱味(各沾一半..非常平衡)



於是參照感覺中既味道~轉化為"自家版本"

我先用紅洋蔥+車厘茄煮成茸~再加入咖喱醬

咖喱粉,黃薑粉及椰子油..煮成一個極濃郁既醬料

以"雞扒"作為食材~這就是自家版本的"瑪莎拉雞"



另外有個小秘訣..個人食譜(蒸出新口味)都有提及

早年有次整"肉醬茸"~我試轉用黑醋漿去提味
(因為番茄+醋..本身可以更加提升番茄味既作用~以往通常會用白醋)

果次試過之後~我覺得用黑醋既效果+味道更勝白醋

所以但凡有番茄做食材既小菜~我都會加黑醋漿提味

早排整"生炒骨"(<~click)既甜酸醬都一樣(可代替傳統食譜中既"山楂汁")



依個咖喱同樣加入黑醋提味~整體味道好開胃惹味

阿喂都話好like依款咖喱~我都好認同..真係好好味

同埋最like咖喱醬既濃稠度~比以往整泰式既更濃郁



配上homemade.."Pita Bread"(<~click)



依個就係重慶大廈"新德里餐廳"(<~click)既"瑪莎拉烤雞"



另一款.."咖喱炒青口"



依款味道同前者分別好大~有爆炒既咖喱香

少左茄酸既醒胃感~純粹突出香辣咖喱味道





最後有"沙律盆(伴橄欖油黑醋汁)"



食材有粟米粒, 車厘茄, 小青瓜





依家整沙律..多數用醋汁伴食~比用沙律醬健康好多呢^^

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================