8月3日(Happy Friday)~wow..今個星期過得好快
咁快就Happy Friday(真開心)~之前見阿喂成日話鐘意食小炒
由其大牌檔feel果d呢..可能有得送下啤酒~覺得好relax卦
見依日心情超好..入廚意慾又超強(power up)~前一日同阿喂講
Happy Friday整個大牌檔feel既"小炒晚餐"過佢食下囉^^
依家除左"小吃晚餐"~又多一個新主題玩下..真係相當唔錯(Yo!!)
是日大牌檔"小炒晚餐"~先黎我既最愛.."生炒骨"
依個餸閒日唔會整~因為就阿喂帶飯..第2日腍左唔好食呢
我都好耐無整依個餸啦~同樣用上自調甜酸醬汁
依晚見阿喂食得好滋味(仲話好有水準^^)
舊post重溫..09年整過一個變種版"甜酸鬼馬釀蝦膠"(<~click)
話說當年係大牌檔食過"炸釀墨魚"(油條+墨膠)~而變種出來的
墨膠/蝦膠都可以~伴自調甜酸醬..就成了當年我的創作小菜之一
另一個.."豉椒炒蟶子"
原本係整"鵝腸"既~不過急凍無新鮮咁好味
但新鮮既..我又唔想接觸~所以唯有轉一轉食材
用"急凍蟶子肉"代替(當然新鮮既好味好多~但懶得入街市..依隻都ok既)
(同埋依隻蟶子肉..煮既時間要短+快~唔係會老身的)
依晚最正既配搭..就係2個餸都用同款蔬果炒成(除左加菠蘿)
每樣少少..份量變得就剛剛好了^^
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================