7月11日(星期三)~依排天氣好好..但都幾熱下囉
天氣熱..食慾都差d~入廚大搞作既心情又低d
加上日日都要煮飯~有時低落下都係好正常既(哈哈)
唔經唔覺..原來最近一次整"餈飯"(click)~係07年既事喎
我好鐘意食"餈飯"~只要有肉鬆+榨菜..已經覺得好開胃
反正屋企仲有糯米~依晚就整個..久違了的"餈飯"^^
今次預埋阿喂一齊食~所以加返條"油炸鬼"(翻焗脆身就可以了)
記得五年前..阿喂講過唔鐘意食"餈飯"~今次都係博一博
估唔到幾年間..佢又轉左口味~依家鐘意食..仲話好好味(YES!!)
依晚整左3條"餈飯"~同阿喂各人食左一條
之後佢話留一條..聽日做早餐喎(攪到我唔夠喉 =.=")
除左"餈飯"..另外仲有個"煎餃子"呢^^
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================