食譜。當歸蛋茶

一向我d血氣都唔多夠~但驗過血又唔係貧血

主要手腳冰冷..體溫低~早年有睇中醫諗住調理下

但醫師話我只係血氣唔夠~其他好正常..可以唔駛睇

夏天就無所謂~但冬天真係幾攞命架! 好易低溫症

媽咪成日叫我煲東東西西飲~話時話..我的確係好懶

聽到要用好多材料又唔想煲~成日問仲有無d最簡單?

早排照鏡..覺得自己面色麻麻~真係要提起心肝保養下

簡簡單單煲個.."當歸蛋茶"



最簡單其實飲"紅棗水"~不過我唔受得..飲完頭痛+喉嚨痛

媽咪叫我..冬天煲"鹿茸"~NO!! 有其他植物科選擇

我唔會飲動物製成既藥材~後尾諗起細個成日飲"當歸"

媽咪煲親會預埋我地~次次飲完..我半夜實勁流鼻血(哈哈)

不過"當歸"都要睇返自己體質~受唔受得先好飲用呢
(=好似媽咪依家受得紅棗..但唔受得當歸~我正正就同佢相反)

材料好簡單(但都減左部份材料)..南棗, 當歸, 龍眼肉, 蛋



買果陣..順便叫掌櫃切片



四兩當歸..分8次飲(月事唔可以飲)

每星期煲一次~用3碗水煲剩2碗..分2日飲

隻蛋係藥引..好有功效~煲既時候..蛋用刀略界



煲45 mins..用冰糖/片糖調甜~攪掂!!

飲左4星期~感覺整個人暖左d..手腳都開始識暖了(哈)

繼續會keep住飲..睇下今個冬天會唔會好d先



食譜 :

1. 當歸(10片)   2.南棗(2粒)   3.龍眼肉(6粒)   4.熟蛋(2隻)   5.清水(3碗)

1. 熟蛋略界..與其他材料放煲內煮滾
2. 轉最細火煲45分鐘至2碗水~加入適量冰糖/片糖調甜即成。

P.S.
1.若怕當歸味太重~份量可放少一點

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================