香草牛肝菌意粉

9月28日(星期三)~依早打電話比媽媽

諗住問下佢近況..同埋第二部份治療幾時開始呢

之前第一部份治療完成後~媽媽可以休息3個星期

不過因為仲有藥物殘留係身體~都會有不良反應

所以我隔幾日會打比媽媽問下情況~加上轉天氣呢

爸爸媽媽同時病倒~想話返去探佢地又話唔准喎(嗚~!)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

第二部份治療~原來依日開始..媽媽下午要返醫院

不過之前同佢講過~記得要同我講..等我陪佢去ma

點知佢話同爸爸去視察左先~唔想麻煩我出出入入

真係比佢激親..話晒係媽媽又何來覺得麻煩喎(真係呢..)

不過佢唔想..我都唔迫佢~最多夜d打去問下詳情囉

因為第二部份治療好緊要~之前聽媽媽講完個過程

我感覺唔好受之中~其實仲令我好緊張同埋好擔心

記得當日聽完..我口窒窒咁叫佢"你~你唔好驚喎"@_@

媽媽仲答我"hey..有咩好驚"~媽媽真係好堅強(係我驚之ma..哈)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
是日晚餐諗住整意粉~但就咁食意粉又好似好dry

所以另外準備一份"法包伴橄欖油黑醋汁"呢




點醋汁既包包..口感要夠粗糙硬身先最好味



上次整個"西式晚餐"(<~click)~用"意大利香草包"

阿喂話唔受落~所以今次轉法包..果然岩食好多



"香草牛肝菌意粉(伴牛油車厘茄薯粒)"



食材只有"牛肝菌"~配以pesto alla genovese醬作主打調味



"牛肝菌"既菇味好濃~由其泡浸既時候..個香味好濃烈

入口反而會比聞既時候較為清淡~但都好有菇味



醬料味道帶濃郁香草味..好在阿喂接受到呢
(因為佢唔愛香草~某d有香草既食物可以接受(=蒜茸包)~但某d又會極為抗拒)



另外伴上"牛油車厘茄薯粒"..調味加入海鹽,黑椒碎及乾香草碎



多一份伴菜..同樣比單食意粉更多份色彩及纖維素呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================