中式包點類黎講呢..我最鐘意就係食"蓮蓉包"
由其用黃蓮蓉做餡~庶糖味比白蓮蓉餡香濃好多
而中式甜包中..我最唔鐘意食就係麻蓉/奶黃包
細個同爸媽飲茶..有時會叫黎食~次次邊食邊打冷震(太甜)
而爸媽一向管教都好嚴厲(絕對無情講)..由其唔准偏食
任何食物都要我地食下~記得細個最唔like食苦瓜
扁過一次面之ma~攪到成個星期..晚晚都要食苦瓜(嗚~!)
所以之後醒啦..唔鐘意都大啖食~唔係有排受苦(哈哈)
不過其實爸媽嚴厲都係對我地好~家教真係好重要架
依家大個左..唔會抗拒食~但有得揀..亦唔會揀黎食既
(=有時飲茶叫"迷你煎堆"~點知原來入面係奶黃餡..少少會照食~多就一定撩走晒囉..哈)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
早排阿喂無啦啦問我~點解唔見我整中式包點
所以佢講完之後~我就試整個"中式蓮蓉包"
依個剛入籠準備蒸~之前見好多人都講同一問題
話蒸完面層好易起皺紋~我都擔心架..不過都試左先囉
![]()
未蒸時..覺得外層都唔係靚~諗住出黎效果都有皺紋
蒸完出黎..比預期平滑喎~當然無酒樓既咁專業咁靚
但都已經暗暗偷笑~第一次整有咁既效果..算可以接受喎
![]()
包身軟軟帶有彈性~但都係欠酒樓少少軟身
烘焙店買既蓮蓉~好香濃..唔太甜,少油,夠滑身
夜晚食完飯..比半個阿喂試~睇法同我既一樣喎
![]()
第二朝再努力..研究整多一次~順便影多幾個step
依個係剛發酵完既麵粉糰~表層都有蜂巢窩狀
![]()
之後將麵粉糰搓到光滑~最後掃少少油
![]()
依個食譜份量..可以整兩個大/三個細
今次預整兩大個..所以用兩粒蓮蓉餡
![]()
蒸之前..表層都未係心目中想要既模樣
![]()
同埋今次手多多..整型整左好耐又壓扁
所以無前一日搓圓波型咁靚(因為蒸既時間會下榻)
依家底部明顯比較扁平
![]()
面層無起皺紋..比第一次再進步左d
![]()
今次搓既時間少左..口感再鬆了一點
雖然都係軟身~但始終無酒樓更軟既感覺
![]()
可能真係同酒樓食譜既分別~聽聞有加臭粉同埋其他野
但以homemade..依款包都可以接受~再軟d就perfect了
![]()
食譜:1. 中粉(100g) 2.泡打粉(1/3茶匙) 3. 糖(15g) 4. 鹽(少許) 5. 酵母(1/3茶匙)
6. 暖水(50ml) 7. 黃蓮蓉餡(50g) 8.菜油(少許)
1. 酵母+暖水拌勻..備用
2. 中粉+泡打粉+糖+鹽拌勻~分2次加入"酵母水"完全拌勻成麵粉糰
3. 用保鮮底封口..發酵2倍大~取出搓至光滑..表層搽上少許油
4. 將麵粉糰及黃蓮蓉餡各分成兩份~每份麵糰壓成圓片..放入蓮蓉餡封口放牛油紙上
5. 開鑊水..放上蒸籠及蓮蓉包~以大火隔水蒸20分鐘即成P.S.
1. 蓮蓉包以凍水落鑊開始計時蒸~注意不是滾水才放包入去蒸
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
