9月6日(星期四)~我好鐘意食麵包架..比蛋糕類更甚^^
不過太甜既包包~我又唔鐘意食喎(如雞尾包/墨西哥包..最like係丹麥條)
另外無餡麵包都一樣咁鐘意~其中一款係"Pita Bread"
好鐘意"中東包"果種咬口感~而且烤烘過好香又絕不油膩
聽日Happy Friday打算整"咖喱晚餐"(<~click)~想用"中東包"伴食
見屋企仲有包麵粉(9月到期 :p)~加上本身我都有興趣想試整
所以依日下午整定~聽日有時間..就可以返娘家一轉呢(YES^^)
![]()
用料好簡單..製作過程其實都好易~只係花時間發酵
不過其實室溫高..發酵時間都好快完成(依張好有探索月球feel..哈)
![]()
最尾步驟原本用焗法~不過第一塊焗完..唔係我想要既效果
所以試用平底鑊煎~出黎既效果~就係我想要既燶燶地
(我習慣唔會完全依賴晒食譜~參考後..嘗試加點變通~迎合返自己口味/要求呢^^)
![]()
頭2份粉糰..煎起太巨~之後每份粉糰..再分成2份
size精緻好多..我比較喜歡依個size
![]()
(技巧方面).."粉糰"要薄身+煎既時間短~正確的話..煎既時候會脹起
我仲做左個對比測試~厚度(約0.5mm)+煎既時間長..出黎口感會硬
而厚度(約0.2mm)+煎既時間短~口感軟中帶拉扯感..好實在中東包feel
![]()
將中東包剪半~內裡係空心的
依個中東包既味道+口感..我好滿意呢^^
![]()
食譜 :(1) 1.砂糖-6g 2.酵母-4g 3.溫水60ml
(2) 1.中筋麵粉-250g 2.鹽-1茶匙 3.溫水-125ml
(3) 1.橄欖油-1.5湯匙
(4) 1.中筋麵粉-125g
1. (1)..砂糖+酵母拌勻~加入溫水拌勻(閒置15分鐘)
2. (2)..麵粉+鹽拌勻~中間開洞慢慢倒入"酵母水"拌勻~再加入溫水完全拌勻
3. (3)..橄欖油倒入大碗內~將粉糰放入..兩邊沾上橄欖油~用保鮮紙封口..發酵成2倍大
4. (4)..將麵粉與已發酵粉糰..慢慢揉搓(fold)~直至兩者揉合一體
5. 預備大碟..灑上少許麵粉~平分粉糰份量(如魚蛋size/個人喜好)..放碟上(閒置10分鐘)
6. 撲粉將每份粉糰轆成薄片~放入燒熱既平底白鑊..以慢火將2邊煎至金黃即可
P.S.
1. 步驟(4)可因應粉糰既濕度而自行調節~只要兩者揉合一體..至不黏手帶柔軟彈性既可
2. 煎既時間要短..大約每面30-50秒左右~亦同樣因應不同爐頭火力..而自行調節
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
