8月4日(星期日)~好耐無探妹妹啦..依日返娘家
好在佢都認得我~同埋..係竇都無包到實晒瞓覺
因為天氣咁熱..我成日叫爸媽唔好比妹妹卷被瞓
吸來吸去都係自己既二氧化碳~一陣耳仔又發炎
近排媽咪話妹妹多左野講~又痴人左好多..好乖
不過真係喎~以前同佢講野唔喵..除左對爸爸囉
依家我同佢講野..都會望住喵喵回應我
依張個坐姿都幾幽雅..斯斯文文^^
![]()
轉頭就坐成咁(哈哈)..不過都好架
代表我返去都好放鬆心情~無戒備心
![]()
依晚食完飯返娘家坐陣ma~見妹妹出左黎
之後聽到爸爸講"篤篤"(篤背脊條大陣..妹妹會好舒服)
佢即刻瞓係地下~伸到直一直等人篤背脊(哈哈)
![]()
爸爸叫我幫佢篤~佢又真係比我篤喎
沿背脊條骨篤..篤到尾再拍pat pat+摸全身
不停重複依個動作~嘆到妹妹勁舒服唔郁
![]()
平時爸爸篤呢..佢又勁肉緊
篤到妹妹咬佢架~因為太大力囉(哈哈)
![]()
篤篤下..爸爸同妹妹講"認住依個貓奴3號..以後幫你篤篤"
因為之前我笑佢地兩個係貓奴..今次中伏(哈哈..不過我都甘願做貓奴架)
![]()
依日下午唱"貓豬歌"比妹妹聽~佢好快瞓著左啊^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
