自製涼果。杞子

12月8日(星期四)~上星期返娘家..同媽媽傾開保健食療

中醫師叫佢得閒可以食d杞子當涼果~本身我都鐘意食杞子

好多時煲湯都會加d落去~不過杞子用作煲湯的話..記得要後下

因為好早年有個掌櫃教..話煲得耐會帶燥而且味道會變酸

所以我通常會煲好個湯~最後加少少杞子..然後焗一陣先飲

咁個湯既補益又香甜好多~不過燥熱底人士就不宜多服/服用呢

除左煲湯..中醫師教路可以當涼果食~每日服用都好補益

反正我鐘意食乾果~所以就跟媽媽教既方法~自製"涼果杞子"




揀選靚杞子..色澤要夠鮮紅(=新鮮度)~果肉鬆軟

舊貨色澤較褐紅或墨紅~果肉較硬..感覺並不柔潤

功效..滋腎,補肝,潤肺,明目,強筋健骨,補精血,滋養,強壯,美顏

亦可增強免疫作用~促進免疫功能..增強抗病能力

同時又有造血及生長刺激作用(滋陰壯陽,益智,強筋骨)

降低血膽固醇~保肝和抗脂防肝作用~亦能降低血糖及低血壓

抑制心臟等等~真係有數之不盡既益處呢^^



自製涼果方法..先放杞子入隔篩~快速用水略沖..隔水

再平均放上碟內~開鑊待水滾後轉細火..隔水蒸30分鐘

取出放至完全涼透~放入密盒子..存放於雪櫃即可



蒸好既杞子..色會較深~亦因為揮發出果糖而令杞子黏合一起



完全放涼後..存放入雪櫃~每日食8-10粒..已經好足夠呢
(份量切勿過多~否則亦會引致燥熱)



除左煲湯及涼果食法外~亦可即沖焗水飲用^^

依個係我平時整比阿喂拎返工飲既"羅漢果茶包"

因為長時間係公司~都想佢可以飲到補益既飲料

依款係自製茶包既基本材料~有時會再加入其他添呢

包括有羅漢果,甘草,龍眼肉,杞子~有生津解渴,潤喉,明目功效



獨立包裝後..超級方便飲用~連阿喂d同事都大讚..味道好正呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================